ഡേവിസൺ-ജെർമർ പരീക്ഷണം
From Wikipedia, the free encyclopedia
കണികകൾ തരംഗസ്വഭാവം കാണിക്കുന്നു എന്ന ഡി ബ്രോളി പരികൽപന തെളിയിച്ച പരീക്ഷണമാണ് ഡേവിസൺ-ജെർമർ പരീക്ഷണം. ബെൽ ലാബ്സിൽ ജോലി ചെയ്തിരുന്ന അമേരിക്കൻ ഭൗതികശാസ്ത്രജ്ഞന്മാരായിരുന്ന ക്ലിന്റൺ ഡേവിസൺ, ലെസ്റ്റർ ജെർമർ എന്നിവർ ചേർന്ന് 1927-ലാണ് ഈ പരീക്ഷണം നടത്തിയത്. ഈ പരീക്ഷണത്തിന് ഡേവിസൺ 1937-ലെ ഭൗതികശാസ്ത്രത്തിനുള്ള നോബൽ സമ്മാനം ജി.പി. തോംസണുമായി പങ്കിട്ടു[1]. ക്വാണ്ടം ഭൗതികത്തിന്റെ ചരിത്രത്തിലെ പ്രധാനപ്പെട്ട പരീക്ഷണങ്ങളിലൊന്നാണ് ഇത്.