ഡെന്നിസ് റിച്ചി
From Wikipedia, the free encyclopedia
ഡെന്നിസ് റിച്ചി (സെപ്റ്റംബർ 9 1941 - ഒക്ടോബർ 12 2011[1]) സി എന്ന കമ്പ്യൂട്ടർ ഭാഷയുടെ സ്രഷ്ടാവായാണ് ഡെന്നിസ് റിച്ചി അറിയപ്പെടുന്നത്. യുണിക്സ് എന്ന ലോകപ്രശസ്തമായ ഓപ്പറേറ്റിംഗ് സിസ്റ്റം റിച്ചിയുടെ മറ്റൊരു സംഭാവനയാണ്.യുണിക്സ് ഇന്ന് കാണുന്ന പുതിയ തലമുറ ഓപ്പറേറ്റിംഗ് സിസ്റ്റങ്ങളുടെയെല്ലാം മുൻഗാമിയായിരുന്നെങ്കിൽ സി ഭാഷ സി++, സി ഷാർപ്പ്(സി#), ജാവ, പേൾ എന്നീ കമ്പ്യൂട്ടർ ഭാഷകളുടെ വികസനത്തിൽ അടിസ്ഥാനമായി മാറി. കെൻ തോംപ്സൻറെ ബി എന്ന കമ്പ്യൂട്ടർ ലാൻഗ്വേജിനെ പരിഷ്കരിച്ചാണ് സി വികസിപ്പിച്ചത്. റിച്ചിക്കും തോംസണിനും 1983 ൽ എസിഎമ്മിൽ(ACM) നിന്ന് ട്യൂറിംഗ് അവാർഡും 1990 ൽ ഐഇഇഇയിൽ(IEEE) നിന്നുള്ള ഹാമിംഗ് മെഡലും 1999 ൽ പ്രസിഡന്റ് ബിൽ ക്ലിന്റണിൽ നിന്ന് നാഷണൽ മെഡൽ ഓഫ് ടെക്നോളജിയും ലഭിച്ചു. 2007 ൽ വിരമിക്കുമ്പോൾ റിച്ചി ലൂസെന്റ് ടെക്നോളജീസ് സിസ്റ്റം സോഫ്റ്റ്വെയർ റിസർച്ച് ഡിപ്പാർട്ട്മെന്റിന്റെ തലവനായിരുന്നു. കെ & ആർ സിയിലെ "ആർ" ആയിരുന്നു അദ്ദേഹം. അദ്ദേഹത്തിന്റെ ഉപയോക്തൃനാമം ഡിഎംആർ(dmr) എന്നറിയപ്പെടുന്നു.
ഡെന്നിസ് മക്കാലിസ്റ്റർ റിച്ചി | |
---|---|
ജനനം | (1941-09-09)സെപ്റ്റംബർ 9, 1941 Bronxville, New York |
മരണം | 2011 ഒക്ടോബർ 12 Murray Hill, New Jersey |
കലാലയം | Harvard University |
അറിയപ്പെടുന്നത് | ALTRAN B BCPL C Multics Unix |
പുരസ്കാരങ്ങൾ | Turing Award National Medal of Technology |
ശാസ്ത്രീയ ജീവിതം | |
പ്രവർത്തനതലം | Computer Science |
സ്ഥാപനങ്ങൾ | Lucent Technologies Bell Labs |