![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/06/Drachme_de_D%25C3%25A9m%25C3%25A9trius_Ier_du_royaume_S%25C3%25A9leucide.jpg/640px-Drachme_de_D%25C3%25A9m%25C3%25A9trius_Ier_du_royaume_S%25C3%25A9leucide.jpg&w=640&q=50)
ഡിമിത്രിയസ് I
From Wikipedia, the free encyclopedia
സിറിയയിലെ സെല്യൂസിദ് വംശജനായ ഒരു രാജാവായിരുന്നു ഡിമിത്രിയസ് I. ബി. സി. 162-ഓടെ ഭരണാധിപനായി. പിതാവായ സെല്യൂക്കസ് നാലാമന്റെ കാലത്ത് ഇദ്ദേഹം ജാമ്യത്തടവുകാരനായി റോമിലേക്ക് അയയ്ക്കപ്പെട്ടിരുന്നു. അവിടെവച്ച് ഗ്രീക്ക് നയതന്ത്രജ്ഞനും ചരിത്രകാരനുമായ പൊളീബിയസുമായി സൗഹൃദത്തിലായി. പിതാവിന്റെ മരണശേഷം അമ്മാവനായ ആന്റിയോക്കസ് നാലാമൻ ഭരണാധികാരിയായപ്പോഴും ഇദ്ദേഹത്തിന് സിറിയയിൽ മടങ്ങിയെത്താനായില്ല. ആന്റിയോക്കസ് മരണമടഞ്ഞശേഷം സിറിയൻ സിംഹാസനത്തിൽ തനിക്കുള്ള അവകാശം സ്ഥാപിക്കാനായി ബി. സി. 163-ഓടെ അവിടേക്കു മടങ്ങിപ്പോകാനുള്ള പരിശ്രമത്തിലായിരുന്നു ഇദ്ദേഹം.
ഈ വാക്കാൽ വിവക്ഷിക്കുന്ന മറ്റു കാര്യങ്ങളെക്കുറിച്ചറിയാൻ ഡിമിത്രിയസ് (വിവക്ഷകൾ) എന്ന താൾ കാണുക.
![Thumb image](http://upload.wikimedia.org/wikipedia/commons/thumb/0/06/Drachme_de_D%C3%A9m%C3%A9trius_Ier_du_royaume_S%C3%A9leucide.jpg/640px-Drachme_de_D%C3%A9m%C3%A9trius_Ier_du_royaume_S%C3%A9leucide.jpg)