![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c5/CIAJMK1209-en.svg/langml-640px-CIAJMK1209-en.svg.png&w=640&q=50)
ഡിനയിൽ-ഓഫ്-സർവീസ് അറ്റാക്ക്
From Wikipedia, the free encyclopedia
ദിവസവും അപ്ഡേറ്റ് ചെയ്യുന്ന വെബ്സൈറ്റ്കൾക്കു നേരെയുള്ള ഒരു പ്രത്യേകതരം ആക്രമണം അല്ലെങ്കിൽ ആക്രമണ ശ്രമമാണ് ഡിനയിൽ-ഓഫ്-സർവീസ് അറ്റാക്ക്. ഒരു നെറ്റ്വർക്കുമായി ബന്ധിപ്പിച്ചിരിക്കുന്ന ഒരു ഹോസ്റ്റിന്റെ സേവനങ്ങൾ താൽക്കാലികമായോ അനിശ്ചിതകാലത്തേക്കോ തടസ്സപ്പെടുത്തിക്കൊണ്ട് ഒരു മെഷീനോ അല്ലെങ്കിൽ നെറ്റ്വർക്ക് റിസോഴ്സോ ഉപയോക്താക്കൾക്ക് ലഭ്യമല്ലാതാക്കാൻ സൈബർ കുറ്റവാളികൾ ശ്രമിക്കുന്ന സൈബർ ആക്രമണമാണിത്. സിസ്റ്റങ്ങൾ ഓവർലോഡ് ചെയ്യാനും ചില അഭ്യർത്ഥനകൾ അല്ലെങ്കിൽ എല്ലാ തരത്തിലുള്ള നിയമാനുസൃതമായ അഭ്യർത്ഥനകളും പൂർത്തീകരിക്കുന്നതിൽ നിന്ന് തടയാനും ലക്ഷ്യമിട്ടുള്ള മെഷീൻ അല്ലെങ്കിൽ റിസോഴ്സ് അമിതമായ തോതിൽ അഭ്യർത്ഥനകൾ നൽകികൊണ്ടാണ് ഉപയോക്താവിനുളള സേവനങ്ങൾ നിരസിക്കുന്നത്.[1]
![](http://upload.wikimedia.org/wikipedia/commons/thumb/3/3f/Stachledraht_DDos_Attack.svg/640px-Stachledraht_DDos_Attack.svg.png)
ഡിസ്ട്രിബ്യൂട്ടഡ് ഡിനയൽ ഓഫ് സർവീസ് അറ്റാക്കിൽ (DDoS അറ്റാക്ക്), ഇരയെ ബാധിക്കുന്ന ഇൻകമിംഗ് ട്രാഫിക് വിവിധ സ്രോതസ്സുകളിൽ നിന്നാണ് ഉത്ഭവിക്കുന്നത്. ഇത്തരത്തിലുള്ള ആക്രമണം തടയുന്നതിന് കൂടുതൽ സങ്കീർണ്ണമായ തന്ത്രങ്ങൾ ആവശ്യമാണ്, കാരണം ഒന്നിലധികം ഉറവിടങ്ങൾ ഉള്ളതിനാൽ ഒരൊറ്റ ഉറവിടം തടയാൻ ശ്രമിക്കുന്നതുകൊണ്ട് പ്രയോജനമില്ല.[2]
ഒരു ഡോസ്(DoS) അല്ലെങ്കിൽ ഡിഡോസ്(DDoS) ആക്രമണം ഒരു കടയുടെ പ്രവേശന കവാടത്തിൽ തിങ്ങിക്കൂടുന്ന ഒരു കൂട്ടം ആളുകൾക്ക് സമാനമാണ്, ഇത് നിയമാനുസൃതമായ ഉപഭോക്താക്കൾക്ക് പ്രവേശിക്കുന്നത് പ്രയാസകരമാക്കുന്നു, അങ്ങനെ വ്യാപാരത്തെ തടസ്സപ്പെടുത്തുകയും പണം നഷ്ടപ്പെടുകയും ചെയ്യുന്നു.
ഡോസ് ആക്രമണങ്ങളിലൂടെ ക്രിമിനൽ കുറ്റവാളികൾ പലപ്പോഴും ലക്ഷ്യമിടുന്നത് ബാങ്കുകൾ അല്ലെങ്കിൽ ക്രെഡിറ്റ് കാർഡ് പേയ്മെന്റ് ഗേറ്റ്വേകൾ പോലുള്ള ഉയർന്ന പ്രൊഫൈൽ വെബ് സെർവറുകളിൽ ഹോസ്റ്റ് ചെയ്തിരിക്കുന്ന സൈറ്റുകളെയോ സേവനങ്ങളെയോ ആണ്. റിവെൻജ്, ബ്ലാക്ക്മെയിൽ[3][4][5], ഹാക്ക്ടിവിസം[6]മുതലായ രീതിയിലാണ് ആക്രമണങ്ങൾ നടത്തുന്നത്.