ടൈൻ നദി
From Wikipedia, the free encyclopedia
ഇംഗ്ലണ്ടിന്റെ വടക്കുഭാഗത്തുള്ള ഒരു നദിയാണ് ടൈൻ. വടക്കൻ ടൈൻ, തെക്കൻ ടൈൻ എന്നീ നദികൾ സംഗമിച്ചാണ് ടൈൻ നദി രൂപം കൊള്ളുന്നത്. നോർതംബർലൻഡ് കുന്നുകളിലെ ഹെക്സ്ഹാമിന് പടിഞ്ഞാറ് വച്ച് ഈ നദികൾ സംഗമിക്കുന്നു. തുടർന്ന് 48 കി.മീ. പൂർവദിശയിലേക്കൊഴുകുന്ന ടൈൻനദി ടൈൻ മൗത്തിൻ വച്ച് നോർത്ത് സീയിൽ പതിക്കുന്നു. ഇതിന്റെ നീളം (കൈവഴികൾ ഒഴികെ) 73 മൈൽ (118 കി.മീ) ആണ്. ഡെർവന്റ് , ടീം എന്നിവയാണ് ടൈൻ നദിയുടെ പ്രധാന പോഷകനദികൾ. ബ്ളേഡൻ മുതൽ പതനസ്ഥാനം വരെയുള്ള ഏതാണ്ട് 22.5 കി.മീ. ദൂരം ഈ നദി ഗതാഗത യോഗ്യമാണ്. നിരവധി വ്യവസായശാലകളും, കപ്പൽ നിർമ്മാണകേന്ദ്രങ്ങളും ടൈൻനദിയുടെ കര കേന്ദ്രീകരിച്ച് പ്രവർത്തിക്കുന്നുണ്ട്. ടൈൻ നദിക്കരയിലെ വ്യാവസായിക മേഖല ടൈൻസൈഡ് എന്ന പേരിലറിയപ്പെടുന്നു. ന്യൂ കാസിൽ, സൗത്ത് ഷീൽഡ്സ് എന്നിവയാണ് നദിക്കരയിലെ പ്രധാന നഗരങ്ങൾ.
വസ്തുതകൾ ടൈൻ നദി, Country ...
ടൈൻ നദി | |
---|---|
Country | United Kingdom |
Constituent country | England |
Physical characteristics | |
പ്രധാന സ്രോതസ്സ് | South Tyne Alston Moor, Cumbria, England |
രണ്ടാമത്തെ സ്രോതസ്സ് | North Tyne Deadwater Fell, Kielder, Northumberland, England |
നദീമുഖം | Tynemouth Tynemouth, North Tyneside, England 55°0′37″N 1°25′8″W |
നീളം | 118 km (73 miles)[1] |
Discharge | |
നദീതട പ്രത്യേകതകൾ | |
നദീതട വിസ്തൃതി | 2,933 km2 (1,132 square miles)[2] |
പോഷകനദികൾ |
|
അടയ്ക്കുക