![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/62/John_McDouall_Stuart_%2528Portrait%2529.jpg/640px-John_McDouall_Stuart_%2528Portrait%2529.jpg&w=640&q=50)
ജോൺ മക്ഡൗൾ സ്റ്റുവർട്ട്
ദേശപരിവേക്ഷകൻ (1815-1866) / From Wikipedia, the free encyclopedia
ഒരു സ്കോട്ടിഷ് പര്യവേക്ഷകനും ഓസ്ട്രേലിയയിലെ ഉൾനാടൻ പര്യവേക്ഷകരിലെ ഏറ്റവും വൈദഗ്ദ്ധ്യമുള്ളയാളുമായിരുന്നു ജോൺ മക്ഡൗൾ സ്റ്റുവർട്ട് (ജീവിതകാലം: 7 സെപ്റ്റംബർ 1815 - 5 ജൂൺ 1866), പലപ്പോഴും " മക്ഡൗൾ സ്റ്റുവർട്ട്" എന്ന് വിളിക്കപ്പെടുന്നു.
ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
ജോൺ മക്ഡൗൾ സ്റ്റുവർട്ട് | |
---|---|
![]() John McDouall Stuart | |
ജനനം | (1815-09-07)7 സെപ്റ്റംബർ 1815 Dysart, Fife, Scotland |
മരണം | 5 ജൂൺ 1866(1866-06-05) (പ്രായം 50) London, England |
തൊഴിൽ | Explorer of Australia, surveyor, grazier |
ഓസ്ട്രേലിയൻ ഭൂപ്രദേശം തെക്കു ദിക്കിൽ നിന്ന് വടക്കു ദിക്കിലേയ്ക്കു യാത്രചെയ്ത് ഭൂഖണ്ഡത്തിന്റെ മധ്യഭാഗത്തുകൂടി മടങ്ങാനുള്ള ആദ്യത്തെ വിജയകരമായ ഉദ്യമത്തിന് നേതൃത്വം നൽകിയത് ജോൺ മക്ഡൗൾ സ്റ്റുവർട്ടാണ്. രാജ്യത്തിന്റെ പരുക്കൻ ഭൂപ്രകൃതിയോടും കാലാവസ്ഥയോടും മല്ലിട്ട് നടത്തിയ ഈ പര്യവേക്ഷണത്തിൽ അദ്ദേഹം തന്റെ അനുഭവ പരിചയം ഉപയോഗപ്പെടുത്തുകയും സംഘത്തിലെ അംഗങ്ങളോടു കാണിച്ച മുൻകരുതൽ കാരണമായി ഈ പര്യവേക്ഷണത്തിൽ ഒരാളേപ്പോലും അദ്ദേഹത്തിനു നഷ്ടമായിരുന്നില്ല.
സ്റ്റുവർട്ടിന്റെ പര്യവേക്ഷണങ്ങളോടെ ക്രമേണ 1863 ൽ ഒരു വലിയ ഭൂപ്രദേശം സൗത്ത് ഓസ്ട്രേലിയ സർക്കാരിന്റെ അധീനതയിലാക്കുവാൻ സാധിച്ചു. ഈ പ്രദേശം നോർത്തേൺ ടെറിട്ടറി എന്നറിയപ്പെട്ടു. 1911 ൽ കോമൺവെൽത്ത് ഓഫ് ഓസ്ട്രേലിയ ആ പ്രദേശത്തിന്റെ ഉത്തരവാദിത്തം ഏറ്റെടുത്തു. 1871–72 ൽ ഓസ്ട്രേലിയയുടെ കരമാർഗ്ഗമുള്ള കമ്പിത്തപാൽ ലൈൻ സ്റ്റുവർട്ട് പര്യവേക്ഷണം നടത്തിയ റൂട്ടിലൂടെ നിർമ്മിക്കപ്പെട്ടു. പോർട്ട് അഗസ്റ്റ മുതൽ ഡാർവിൻ വരെയുള്ള പ്രധാന പാതയും അദ്ദേഹത്തിന്റെ റൂട്ടിലാണ് പ്രധാനമായും സ്ഥാപിതമായത്. അദ്ദേഹത്തിന്റെ ബഹുമാനാർത്ഥം ഈ പാത സ്റ്റുവർട്ട് ഹൈവേ എന്നറിയപ്പെടുന്നു.