![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/80/RANDI.jpg/640px-RANDI.jpg&w=640&q=50)
ജെയിംസ് റാൻഡി
From Wikipedia, the free encyclopedia
ജെയിംസ് റാൻഡി (ജനിച്ചപ്പോൾ ഇട്ട പേര്: റൻഡാൽ ജെയിംസ് ഹാമിൽട്ടൺ സ്വിങ്കെ; ജനനം: 1928 ആഗസ്ത് 7) ഒരു കനേഡിയൻ-അമേരിക്കൻ സ്റ്റേജ് മജീഷ്യനും ശാസ്ത്രീയ സ്കെപ്റ്റിക്കും ആകുന്നു. അദ്ദേഹം ലോകവ്യാപകമായി അതിന്ദ്രീയമായതും അശാസ്ത്രീയമായതുമായ അവകാശവാദങ്ങളെ ശക്തമായി എതിർത്തു.[2][3][4][5] റാൻഡി കമ്മിറ്റീ ഫോർ സ്കെപ്റ്റിക്കൽ എങ്ക്വയറി ഓഫ് പരാനോർമൽ ക്ലൈംസ് (CSI) എന്ന സംഘടനയുടെ സഹസ്ഥാപകനും ജെയിംസ് റാൻഡി എജ്യൂക്കേഷണൽ ഫൗണ്ടേഷന്റെ (JREF)സ്ഥാപകനുമാണ്. ദ എമേസിങ്ങ് റാൻഡി എന്ന പേരിലാണ് അദ്ദേഹം തന്റെ സ്റ്റേജ് മാജിക്ക് തുടങ്ങിയത്. പിന്നീട് റാൻഡി, തന്റെ സമയം അതിന്ദ്രീയാവകാശവാദങ്ങൾ പ്രകൃത്യാതീതാവകാശവാദങ്ങൾ മന്ത്രവാദവിദ്യകൾ എന്നിവയെപ്പറ്റി അന്വേഷിക്കുവാൻ ചിലവഴിച്ചു. ഇത്തരം അവകാശവാദങ്ങളെ അദ്ദേഹം വൂ-വൂ എന്നാണ് വിശേഷിപ്പിച്ച്ത്.[6] 60 വയസ്സിൽ റാൻഡി മാജിക്കിൽനിന്നും വിട്ടുനിന്നു. തന്റെ 87 വയസ്സിൽ JREF ന്റെ ചുമതലകളിൽനിന്നും ഒഴിഞ്ഞു.
ജെയിംസ് റാൻഡി | ||
---|---|---|
![]() | ||
ജനനം | Randall James Hamilton Zwinge (1928-08-07) ഓഗസ്റ്റ് 7, 1928 (95 വയസ്സ്) ടൊറോണ്ടോ, ഒണ്ടാറിയോ, കാനഡ | |
മരണം | 2020 ഒക്ടോബർ 20 | |
ദേശീയത | കനേഡിയൻ അമേരിക്കൻ (naturalized) | |
തൊഴിൽ | Magician, illusionist, writer, skeptic | |
ജീവിതപങ്കാളി(കൾ) | Deyvi Orangel Peña Arteaga
(m. 2013) | |
| ||
വെബ്സൈറ്റ് | www | |
ഒപ്പ് | ||
![]() |
റാൻഡി സ്വയം ഒരു അന്വേഷകൻ എന്ന പേരിൽ അറിയപ്പെടാനാണാഗ്രഹിച്ചത്. എന്നാൽ ആളുകൾ അദ്ദേഹത്തെ ഡീബങ്കർ എന്ന പേരിലാണ് വിളിച്ചത്. അശാസ്ത്രീയമായ അവകാശവാദങ്ങളെ തുറന്നുകാട്ടുന്നയാൾ എന്നാണീ വാക്കിനർഥം.[7] റാൻഡി പാരാനോർമൽ പ്രതിഭാസം, സ്കെപ്റ്റിസിസം, മാജിക്കിന്റെ ചരിത്രം എന്നിവയെപ്പറ്റി പുസ്തകങ്ങളും മറ്റും എഴുതിയിട്ടുണ്ട്. The Tonight Show Starring Johnny Carson എന്ന ടെലിവിഷൻ ഷോയിലെ സ്ഥിരം സാന്നിദ്ധ്യമായിരുന്നു. അതുപോലെ അദ്ദേഹത്തെ Penn & Teller: Bullshit! എന്ന ടെലിവിഷൻ പ്രോഗ്രാമിൽ മിക്കപ്പോഴും ഫീച്ചർ ചെയ്തിരുന്നു.
റാൻഡിയുടെ വിടുതലിനു കുറച്ചുമുമ്പ്, JREF ഒരു ദശലക്ഷം ഡോളർ പാരാനോർമൽ വെല്ലുവിളി സ്പോൺസർ ചെയ്തു. ഇതിൽ അവർ US$1,000,000 ഓഫർ ചെയ്തു. ഏതെങ്കിലും തരത്തിലുള്ള പാരാനോർമൽ, പ്രകൃത്യാതീതമോ അതിന്ത്രീയശക്തിയോ തെളിവുസഹിതം കാണിക്കാൻ കഴിയുന്ന എതൊരാൾക്കും രണ്ടു പാർട്ടികൾക്കും പരസ്പരം സമ്മതമായ പരിക്ഷണവ്യവസ്ഥയിൽ US$1,000,000 ലഭിക്കുന്നതാണ്.[8] 2015ൽ ഈ വെല്ലുവിളി JREF സ്വയം നിർത്തലാക്കി.[9] എന്നാൽ ഈ ഫൗണ്ടേഷൻ തുടർന്നും യുക്തിചിന്തയും തെളിവുകളുടെ അടിസ്ഥാനത്തിലുള്ള ലോകവീക്ഷണവും പ്രോത്സാഹിപ്പിക്കുന്ന വ്യക്തികൾക്കോ സംഘടനകൾക്കോ അവർ ലാഭമില്ലാത്തരീതിയിൽ പ്രവർത്തിക്കുകയാണെങ്കിൽ ഗ്രാന്റ് നൽകിവരുന്നു. 2020 ഒക്ടോബർ 20 ന് വാർദ്ധക്യ സഹജമായ അസുഖങ്ങളെ തുടർന്ന് ജെയിംസ് അന്തരിച്ചു.