ഗാനോഡർമ
From Wikipedia, the free encyclopedia
ഔഷധമെന്ന നിലയിൽ പ്രസിദ്ധിയാർജ്ജിച്ച ഒരു കൂൺ ജനുസാണ് ഗാനോഡർമ. പോളിപൊറേസ്യേ കുലത്തിൽപെട്ട ഗാനോഡർമ ലൂസിഡം സ്പീഷീസ്, ചൈന, കൊറിയ, ജപ്പാൻ എന്നീ രാജ്യങ്ങളിൽ രോഗചികിത്സക്ക് വർഷങ്ങളായി ഉപയോഗിച്ചുവരുന്നു[1]. രോഗശമനത്തിനു പുറമേ ദീർഘകാലം ആരോഗ്യവാനായി ഇരിക്കാനും ഇതിന്റെ ഉപയോഗം സഹായിക്കും.[അവലംബം ആവശ്യമാണ്] അതിനാൽ 'അമരത്വം നൽകുന്ന കൂൺ' എന്നാണ് ഗാനോഡർമ അറിയപ്പെടുന്നത്.
ഗാനോഡർമ | |
---|---|
Ganoderma applanatum | |
ശാസ്ത്രീയ വർഗ്ഗീകരണം | |
കിങ്ഡം: | |
Phylum: | Basidiomycota |
Class: | Agaricomycetes |
Order: | Polyporales |
Family: | Ganodermataceae |
Genus: | Ganoderma P. Karst |
Type species | |
Ganoderma lucidum |
സർവരോഗസംഹാരിയായും ജപ്പാൻകാർ വിശ്വസിക്കുന്ന റെയിഷി ആണ് (ഗാനോഡർമ ലൂസിഡം) ഔഷധക്കൂണുകളിൽ പ്രധാന ഇനം. ഒരു കിലോ ഉണങ്ങിയ ഗാനോഡർമയ്ക്ക് അൻപതിനായിരത്തിലധികം രൂപ വിലയുണ്ടത്രെ. ഈ കൂൺ ഉപയോഗിച്ച് ഗാനോതെറാപ്പി എന്ന പേരിൽ ഒരു ചികിത്സാ രീതി തന്നെ പ്രചാരത്തിലുണ്ട്. രോഗ പ്രതിരോധ ശേഷി വർദ്ധിപ്പിക്കുന്ന ലിങ്ഷി 8 എന്ന മാംസ്യം ധാരാളമായി റെയിഷിൽ അടങ്ങിയതിനാൽ[അവലംബം ആവശ്യമാണ്] ലിങ്ഷി എന്ന പേരിൽ ഗാനോഡർമയിൽനിന്ന് എടുക്കുന്ന ഔഷധം വിപണിയിൽ ലഭ്യമാണു്.. ശരീരത്തിലെ വിഷാംശത്തെ നീക്കം ചെയ്യാൻ ഈ കൂണിനു പ്രത്യേക കഴിവുതന്നെയുണ്ട്.[അവലംബം ആവശ്യമാണ്] ഈ ജനുസ്സിലെ മറ്റോരു പ്രധാന ഇനമാണ് ഗാനോഡർമ അപ്പലന്റം.
ലിങ്ഷി, ആകാഷിബ (ചുവപ്പ്), കുറോഷിബ (കറുപ്പ്), അവോഷിബ (നീല), ഷിറോഷിബ (വെള്ള), കിഷിബ (മഞ്ഞ), മുറാസാകിഷിബ (പർപ്പിൾ) എന്നിവയാണ് പ്രധാന ഇനങ്ങൾ.