കൽപ്പായൽ
From Wikipedia, the free encyclopedia
കുമിൾ ജീവിവർഗ്ഗവും പായൽ ജീവിവർഗ്ഗവും ഒന്നിച്ചുജീവിക്കുന്ന ജീവിതക്രമത്തെയാണ് കൽപായൽ അഥവാ ലൈക്കനുകൾ (ലിച്ചനുകൾ - ബ്രിട്ടീഷ് ഇംഗ്ലീഷ്) എന്നുവിളിക്കുന്നത്. ശിലാശൈലം, കല്പാശി (തമിഴ്) डागर् का फूल् (മറാഠി), डागर् फूल्(പഞ്ചാബി) , രാത്തിപൂവു (തെലുഗു) കല്ലുപൂവു (കന്നഡ) jhula, mukkum makka. पथर् का फूल् (ഹിന്ദി) എന്നെല്ലാം ഇതിനുപേരുണ്ട്. ആസ്കോമൈസെറ്റ്സ് എന്ന കുമിൾ വർഗ്ഗജീവിയും ഹരിത ആൽഗയോ നീല-പച്ച ആൽഗയോ ചേർന്നുള്ള കൂട്ടുകെട്ടാണ് സർവ്വസാധാരണം. ഇതരജീവികൾക്ക് വാസയോഗ്യമല്ലാത്ത ചുറ്റുപാടുകളിൽ, പ്രത്യേകിച്ച് കരിംപാറകൾ, മരത്തൊലിപ്പുറം, ലാവ തണുത്തത് എന്നിങ്ങനെ ഏത് പദാർത്ഥോപരിതലത്തിലും മറ്റുജീവികൾക്ക് വാസയോഗ്യമായ സാഹചര്യം സൃഷ്ടിക്കുകയാണ് ഇവ ചെയ്യുന്നത്.