From Wikipedia, the free encyclopedia
ഇന്ത്യയിലെ കൽക്കട്ടയിൽ നിന്നുള്ള ഒരു പ്രമുഖ പ്രസവചികിത്സകനും മെഡിക്കൽ അധ്യാപകനുമായിരുന്നു സർ കേദാർനാഥ് ദാസ് CIE, MD (1867-1936).
സർ കേദാർനാഥ് ദാസ് | |
---|---|
![]() | |
ജനനം | കേദാർനാഥ് ദാസ് 24 ഫെബ്രുവരി 1867 |
മരണം | 13 മാർച്ച് 1936 69) | (പ്രായം
ദേശീയത | ബ്രിട്ടീഷ് ഇന്ത്യ |
കലാലയം | കൽക്കട്ട മെഡിക്കൽ കോളേജ് |
ശാസ്ത്രീയ ജീവിതം | |
പ്രവർത്തനതലം | ഒബ്സ്റ്റട്രിക്ക്സ് |
കൽക്കട്ടയിലെ സ്കോട്ടിഷ് ചർച്ച് കോളേജിലാണ് കേദാർനാഥ് ദാസ് പഠിച്ചത്. 1892-ൽ കൽക്കട്ട മെഡിക്കൽ കോളേജിൽ നിന്ന് മെഡിസിനിൽ ബിരുദം നേടി. 1895 ൽ മദ്രാസ് സർവ്വകലാശാലയിൽ നിന്ന് ഗൈനക്കോളജിയിലും പ്രസവചികിത്സയിലും എംഡി നേടി. [1]
കൽക്കട്ട മെഡിക്കൽ കോളേജിൽ രജിസ്ട്രാറായാണ് കേദാർനാഥ് ഔദ്യോഗിക ജീവിതം ആരംഭിച്ചത്. തുടർന്ന് 1899-ൽ കാംബെൽ മെഡിക്കൽ സ്കൂളിൽ മിഡ്വൈഫറിയിൽ അധ്യാപകനായി നിയമിതനായി. കാർമൈക്കൽ മെഡിക്കൽ കോളേജിൽ ചേർന്ന അദ്ദേഹം 1919 ൽ ഗൈനക്കോളജി ആൻഡ് ഒബ്സ്റ്റട്രിക്സ് വിഭാഗത്തിന്റെ തലവനായി.[1] 1922 മുതൽ 1936ൽ മരിക്കുന്നതുവരെ അദ്ദേഹം കാർമൈക്കൽ മെഡിക്കൽ കോളേജിന്റെ പ്രിൻസിപ്പലായി തുടർന്നു. [2] കൽക്കട്ട സർവകലാശാലയിൽ ഫാക്കൽറ്റി ഓഫ് മെഡിസിൻ ഡീനായി സേവനമനുഷ്ഠിച്ച അദ്ദേഹം ബംഗാൾ കൗൺസിൽ ഓഫ് മെഡിക്കൽ രജിസ്ട്രേഷനിലും ബംഗാൾ സ്റ്റേറ്റ് മെഡിക്കൽ ഫാക്കൽറ്റിയുടെ ഭരണസമിതിയിലും അംഗമായിരുന്നു. 1901-ൽ അദ്ദേഹം ബ്രിട്ടീഷ് മെഡിക്കൽ അസോസിയേഷനിൽ അംഗമായി, 1928 മുതൽ 1930 വരെ അതിന്റെ കൽക്കട്ട ബ്രാഞ്ചിന്റെ വൈസ് പ്രസിഡന്റായും 1931 മുതൽ 1934 വരെ പ്രസിഡന്റായും സേവനമനുഷ്ഠിച്ചു. [1]
ഇന്ത്യൻ മെഡിക്കൽ ഗസറ്റിലും അന്താരാഷ്ട്ര മെഡിക്കൽ ജേണലുകളിലും പ്രസിദ്ധീകരിച്ച ജേണൽ ലേഖനങ്ങളിൽ ബ്രെയിൻ ട്യൂമറുകൾ, പ്രമേഹം, ടെറ്റനസ് എന്നിവയെക്കുറിച്ചുള്ള വിവരങ്ങൾ ഉൾപ്പെടുന്നു. [1] പുസ്തകങ്ങളിൽ എ ഹാൻഡ്ബുക്ക് ഓഫ് ഒബ്സ്റ്റട്രിക്സ് (1914), എ ടെക്സ്റ്റ്ബുക്ക് ഓഫ് മിഡ്വൈഫറി (1920) എന്നിവ ഉൾപ്പെടുന്നു. [1]
യൂറോപ്പിലും അമേരിക്കയിലും പര്യടനം നടത്തി വിവിധ തരത്തിലുള്ള ഒബ്സ്റ്റെട്രിക് ഫോഴ്സെപ്സ് ശേഖരിച്ച് ഗവേഷണം നടത്തി എഴുതിയ 900 പേജുള്ള ഒബ്സ്റ്റെട്രിക് ഫോഴ്സെപ്സ്: ഇറ്റ്സ് ഹിസ്റ്ററി ആൻഡ് എവല്യൂഷൻ (1928) ആണ് അദ്ദേഹത്തിന്റെ ഏറ്റവും പ്രധാനപ്പെട്ട കൃതി. [1]
സാധാരണയായി ചെറിയ പെൽവിസും കുറഞ്ഞ ജനനഭാരമുള്ള കുഞ്ഞുങ്ങളുമുള്ള ഇന്ത്യൻ സ്ത്രീകളുടെ പ്രസവത്തിന് ഉപയോഗിക്കുന്നതിനായി ദാസ്, പരിഷ്കരിച്ച ലോങ് കർവ്ട് ഒബ്സ്റ്റട്രിക് ഫോഴ്സ്പ്സ് രൂപകൽപ്പന ചെയ്തു. [3]
അമേരിക്കൻ ഗൈനക്കോളജിക്കൽ സൊസൈറ്റിയുടെയും അമേരിക്കൻ അസോസിയേഷൻസ് ഓഫ് ഒബ്സ്റ്റട്രീഷ്യൻസ്, ഗൈനക്കോളജിസ്റ്റ്സ് ആൻഡ് അബ്ഡൊമിനാൽ സർജൻസ് ഹോണററി ഫെലോ ആയി അദ്ദേഹത്തെ തിരഞ്ഞെടുത്തു. ബ്രിട്ടീഷ് കോളേജ് ഓഫ് ഒബ്സ്റ്റട്രീഷ്യൻസ് ആൻഡ് ഗൈനക്കോളജിസ്റ്റിന്റെ ഫൗണ്ടേഷൻ ഫെലോ ആയിരുന്നു അദ്ദേഹം. 1918-ൽ അദ്ദേഹത്തിന് കമ്പാനിയൻ ഓഫ് ദി ഓർഡർ ഓഫ് ദി ഇന്ത്യൻ എംപയർ പദവിയും 1933 ജൂണിൽ നൈറ്റ് പദവിയും ലഭിച്ചു.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.