കണ്ണീർ വാതകം
From Wikipedia, the free encyclopedia
കണ്ണിൽ നീരും നീറ്റലും സൃഷ്ടിക്കാൻ കഴിയുന്ന രാസപദാർഥങ്ങളെ കണ്ണീർ വാതകം എന്നു വിളിക്കുന്നു. ഗ്രനേഡുകളിലും ഷെല്ലുകളിലും ടിയർ ഗ്യാസ് (കണ്ണീർ വാതകം) നിറയ്ക്കാറുണ്ട്. പേരു സൂചിപ്പിക്കുന്നതു പോലെ ഇതൊരു വാതകമാകണമെന്നില്ല. കണ്ണീർഗ്രന്ഥികൾക്ക് അസ്വസ്ഥതയുണ്ടാക്കുന്ന ഖരമോ ദ്രവമോ ആയ രാസപദാർഥങ്ങൾ ഉൾക്കൊണ്ട വെടിയുണ്ടകൾ ഉതിർക്കുമ്പോൾ അവ പൊട്ടിത്തെറിച്ച് തീരെ ചെറുകണിക കളായി വ്യാപിച്ച് ആകാശത്ത് പുകപടലം സൃഷ്ടിക്കുകയാണ് ചെയ്യുന്നത്. അധിശോഷണക്ഷമതയുള്ള കാർബൺ അടങ്ങുന്ന ശ്വസന മറകളുപയോഗിച്ച് ടിയർ ഗ്യാസിനെ പ്രതിരോധിക്കാനാവും.