From Wikipedia, the free encyclopedia
1938ൽ കൊല്ലം ജില്ലയിലെ നിലമേലിനും മടത്തറക്കും ഇടയിലുള്ള കടയ്ക്കൽ എന്ന ഗ്രാമത്തിൽ നടന്ന മഹാ പ്രക്ഷോഭമാണ് കടയ്ക്കൽ സമരം എന്നറിയപ്പെടുന്നത്. സർ സി.പിയുടെ പോലീസിനെതിരെ ജനങ്ങൾ നടത്തിയ പോരാട്ടമാണ് കടയ്ക്കൽ സമരം. 1938 കടയ്ക്കൽ ചന്തയിലെ സമരത്തിനെതിരെ ജനങ്ങൾ ഒരുമിച്ചതാണ് സമരത്തിന് തുടക്കം. സർ സി.പിക്കെതിരെ പോരാടി സ്വന്തമായി ഒരു സ്റ്റേറ്റ് തന്നെ പ്രഖ്യാപിക്കുകയും ജനാധിപത്യത്തിലൂന്നിയ മന്ത്രിസഭ ഉണ്ടാക്കുകയും ചെയ്ത കടയ്ക്കൽ സമരം സ്വാതന്ത്ര്യസമര ചരിത്രത്തിലെ ഒരു സുപ്രധാന സംഭവമായിരുന്നു. കടയ്ക്കൽ ഉൾപ്പെടുന്ന പ്രദേശത്തിൻെറ ഭരണം ഏറ്റെടുത്ത് പ്രദേശം ഒരു രാജ്യമായി പ്രഖ്യാപിക്കുകയും കടയ്ക്കൽ സ്റ്റാലിൻ എന്ന് അറിയപ്പെടുന്ന ഫ്രാങ്കോ രാഘവൻ പിള്ള രാജാവും കാളിയമ്പി മന്ത്രിയുമായി ഒരു ഭരണസംവിധാനം നിലവിൽ വരുകയും ചെയ്തു. കേരളത്തിലെ ആദ്യത്തെ ജനകീയ മന്ത്രിയായാണ് കാളിയമ്പിയെ അറിയപ്പെടുന്നത്.
1938 സെപ്റ്റംബർ 26 ന് കടയ്ക്കൽ ആൽത്തറമൂട്ടിൽ ചേർന്ന തിരുവിതാംകൂർ സ്റ്റേറ്റ് കോൺഗ്രസിന്റെ യോഗമാണ് കടയ്ക്കൽ പ്രക്ഷോഭത്തിന് തിരിയിട്ടത്. അനുവദിച്ചതിലും പതിന്മടങ്ങ് കരം പിരിക്കുന്നവർക്കെതിരെയും അതിന് പിന്തുണ നൽകുന്ന പൊലീസുകാർക്കെതിരെയുമായിരുന്നു പ്രക്ഷോഭം. പൊലീസ് സ്റ്റേഷൻ തകർത്തായിരുന്നു ജനകീയപ്രതിരോധം അവസാനിച്ചത്
കടയ്ക്കൽ വിപ്ലവം നടന്നത് 1938ലാണ്. കൊല്ലവർഷം 1114 കന്നി 10 മുതൽ 18വരെയാണ് (1938 സെപ്തംബർ 26 - ഒക്ടോബർ 4) രൂക്ഷമായ സമരം നടന്നത്. സമരം മൂർദ്ധന്യതയിലെത്തിയ സെപ്തംബർ 29ന് പോലീസ് സ്റ്റേഷൻ തകർക്കപ്പെട്ടു. 1938 നവംബർ രണ്ടിലെ മലയാളരാജ്യം പത്രത്തിൽ പോലീസ് സ്റ്റേഷൻ പൊളിച്ചതിന്റെ ചിത്രം പ്രസിദ്ധീകരിച്ചിരുന്നു (കേരളാ സംസ്ഥാന ആർക്കൈവ്സ് ഡിപ്പാർട്ട്മെന്റിന്റെ കടയ്ക്കൽ റെബലിയൻ 1939 എന്ന പ്രസിദ്ധീകരണത്തിൽ 1939 എന്നു രേഖപ്പെടുത്തിയതു തെറ്റാണ്). 1938 ഒക്ടോബർ 14ലെ ഇന്ത്യൻ എക്സ്പ്രസ് പത്രത്തിൽ ചങ്ങനാശ്ശേരി പരമേശ്വരൻ പിള്ളയും ഇതു വിശദീകരിച്ചിട്ടുണ്ട്. ഒക്ടോബർ അഞ്ചിന് പട്ടാളം എത്തിയതോടെ സമരത്തിന്റെ പ്രത്യക്ഷ പരിപാടികൾ അവസാനിച്ചു.
അന്യായമായ ചന്തപ്പിരിവ് നൽകാതെ സ്റ്റേറ്റ് കോൺഗ്രസിൻെറ നേതൃത്വത്തിൽ ജനങ്ങൾ നടത്തിയ മുന്നേറ്റമാണ് കടയ്ക്കൽ സമരമായി രൂപാന്തരപ്പെട്ടത്. കടയ്ക്കൽ, കല്ലറ, കിളിമാനൂർ, പാങ്ങോട് തുടങ്ങിയ സ്ഥലങ്ങൾ ഉൾപ്പെട്ട പ്രദേശത്ത് ചന്ത കോൺട്രാക്ടർമാർ അന്യായമായി ചന്തകാശ് പിരിക്കുന്നതിനെതിരെ ജനങ്ങളിൽ കഠിനമായ അമർഷം നിലനിന്നിരുന്നു. ഈ പ്രശ്നത്തിൽ അധികാരികൾ കോൺട്രാക്ടർമാർക്ക് പിന്തുണ നൽകിയിരുന്നതിനാൽ ജനരോഷം ഗവൺമൻെറിൻെറ നേർക്ക് തിരിഞ്ഞു. 1938 സെപ്റ്റംബറിൽ ഉത്തരവാദഭരണപ്രക്ഷോഭം കൊടുമ്പിരിക്കൊണ്ട സന്ദർഭത്തിൽ കടയ്ക്കലെ ജനങ്ങൾ ക്ഷോഭിച്ചിളകി അവിടത്തെ െപാലീസ് സ്റ്റേഷൻ ആക്രമിച്ചു. ആ പ്രദേശത്തിന് ഭരണം താൽക്കാലികമായി ജനങ്ങളുടെ െെകയിൽ അമർന്നു. സ്ഥലത്തും സമീപപ്രദേശങ്ങളിലും ഉണ്ടായിരുന്ന െപാലീസ് സംഘങ്ങൾക്ക് ജനങ്ങളെ കീഴ്പ്പെടുത്താൻ കഴിഞ്ഞില്ല. കടയ്ക്കൽ സ്റ്റാലിൻ, ഫ്രാങ്കോ എന്നീ പേരുകളിൽ പ്രസിദ്ധനായ രാഘവൻപിള്ള ആയിരുന്നു പ്രക്ഷോഭനേതാവ്. തിരുവനന്തപുരത്തുനിന്ന് കൂടുതൽ െപാലീസും പട്ടാളവും എത്തിയശേഷമാണ് പ്രക്ഷോഭം അവസാനിച്ചത്. കടയ്ക്കലും പരിസരത്തും പിന്നീട് ക്രൂരമായ അടിച്ചമർത്തൽ നടന്നു. ഒട്ടനവധി ഗൃഹങ്ങൾ അഗ്നിക്കിരയായി. ഒട്ടേറെപ്പേരെ പിടികൂടി ശിക്ഷിക്കുകയും ചെയ്തു. പൊലീസും നാട്ടുകാരും തമ്മിൽ ഏറ്റുമുട്ടി. പൊലീസ് ഔട്ട്പോസ്റ്റ് തീയിട്ടു. ജനങ്ങളുടെ എതിർപ്പു നേരിടാനാകാതെ പൊലീസ് പിൻവലിഞ്ഞു. 16 ച. കിലോമീറ്റർ ദൂരം സ്വതന്ത്ര്യരാജ്യമാക്കി ജനം പ്രഖ്യാപിച്ചു. കടയ്ക്കലും പരിസരപ്രദേശവും സ്വതന്ത്രരാജ്യമാക്കി പ്രഖ്യാപിച്ച് ജനങ്ങൾ ഭരണം നടത്തി. ദിവസങ്ങൾ കഴിഞ്ഞ് ജനങ്ങളുടെ രാജ്യം തിരിച്ചുപിടിക്കാൻ പൊലീസ് കൊടിയ മർദനം അഴിച്ചുവിട്ടു. സ്വാതന്ത്ര്യസമരത്തിൻെറ ഭാഗമായി സമരം അംഗീകരിക്കാൻ വൈകിയതിനാൽ സേനാനികൾക്ക് പെൻഷനും താമസിച്ചു. കൊടിയ മർദനമേറ്റ ഒട്ടേറെ പേർ രോഗിയായി മരിച്ചു. ചിലർ ജീവിക്കാൻ തെരുവിൽ അലഞ്ഞു. തിരുവിതാംകൂർ സ്റ്റേറ്റ് കോൺഗ്രസിൻെറ ആവേശം ഉൾക്കൊണ്ടുനടത്തിയ സമരത്തിന് പേക്ഷ മതിയായ പരിഗണന ലഭിച്ചില്ല.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.