2008 ഓഗസ്റ്റ് 8-ന് രാത്രി 08:08:08-ന് ചൈനയിലെ ബെയ്ജിങ്ങ് നാഷനൽ സ്റ്റേഡിയത്തിൽ ആരംഭിച്ച ഉദ്ഘാടനച്ചടങ്ങുകളോടെ തിരശ്ശീല ഉയർന്ന 2008 ബെയ്ജിങ്ങ് ഒളിമ്പിക്സ് മൽസരങ്ങൾ, ഓഗസ്റ്റ് 24-ന് അതേ സ്റ്റേഡിയത്തിൽ നടന്ന സമാപനച്ചടങ്ങുകളോടെ അവസാനിച്ചു. 28 ഇനങ്ങളിലായി 302 മൽസരങ്ങൾ നടക്കുന്നതിൽ 10,500 -ഓളം കായികതാരങ്ങൾ ഈ ഒളിമ്പിക്സിൽ പങ്കെടുത്തു.[2] പ്രധാന മൽസരങ്ങളൊക്കെ ബെയ്ജിങ്ങിലാണ് നടന്നതെങ്കിലും ഫുട്ബോൾ, വഞ്ചിതുഴയൽ, 10കി മീ മാരത്തൺ നീന്തൽ മൽസരം എന്നിവ ചൈനയിലെ മറ്റു നഗരങ്ങളിലാണ് നടത്തപ്പെടുന്നത്, കൂടാതെ അശ്വാഭ്യാസമൽസരങ്ങൾക്ക് വേദിയായത് ഹോങ്കോങ്ങ് ആയിരുന്നു. ഒളിമ്പിക് വളയങ്ങളുടെ നിറങ്ങളെ പ്രതിനിധീകരിക്കുന്ന ഫൂവാ എന്ന് വിളിക്കപ്പെടുന്ന പാവകളായിരുന്നു ഈ ഒളിമ്പിക്സിന്റെ ഭാഗ്യചിഹ്നങ്ങൾ. 51 സ്വർണ്ണം , 21 വെള്ളി, 28 വെങ്കലം എന്നിങ്ങനെ ആകെ 100 മെഡലുകൾ കരസ്ഥമാക്കി ആതിഥേയരായ ചൈന മെഡൽ പട്ടികയിൽ ഒന്നാം സ്ഥാനത്തെത്തി.
വസ്തുതകൾ ആഥിതേയനഗരം, മൽസരങ്ങൾ ...
അടയ്ക്കുക