![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/09/Evanescence_at_The_Wiltern_theatre_in_Los_Angeles%252C_California_08.jpg/640px-Evanescence_at_The_Wiltern_theatre_in_Los_Angeles%252C_California_08.jpg&w=640&q=50)
എവനസെൻസ്
അമേരിക്കൻ റോക്ക് ബാൻഡ് / From Wikipedia, the free encyclopedia
1995 ൽ ഗായികയും പിയാനിസ്റ്റുമായ ഏമി ലീയും ഗിറ്റാറിസ്റ്റ് ബെൻ മൂഡിയും ചേർന്ന് അർക്കൻസാസിലെ ലിറ്റിൽ റോക്കിൽ സ്ഥാപിച്ച ഒരു അമേരിക്കൻ റോക്ക് ബാൻഡ് ആണ് എവനസെൻസ്. സ്വതന്ത്ര ആൽബങ്ങൾ റിക്കാർഡ് ചെയ്ത ശേഷം, 2003-ൽ വിൻഡ്-അപ്പ് റെക്കോർഡ്സുമായി ചേർന്ന് ബാൻഡ് അവരുടെ ആദ്യത്തെ മുഴുനീള ആൽബമായ ഫോളൻ പുറത്തിറക്കി. ഈ ആൽബം ലോകമെമ്പാടും 17 ദശലക്ഷം പകർപ്പുകൾ വിറ്റഴിക്കുകയും, നാമനിർദ്ദേശം ചെയ്യപ്പെട്ട ഏഴു ഗ്രാമി അവാർഡുകളിൽ രണ്ടെണ്ണം നേടുകയും ചെയ്തു. ഒരു വർഷം കഴിഞ്ഞ്, എവനസെൻസ് തങ്ങളുടെ ആദ്യ ലൈവ് ആൽബം എനിവേർ ബട്ട് ഹോം പുറത്തിറക്കുകയും ആഗോളതലത്തിൽ ഒരു ദശലക്ഷം പകർപ്പുകൾ വിറ്റഴിയുകയും ചെയ്തു. 2006-ൽ അവരുടെ രണ്ടാമത്തെ സ്റ്റുഡിയോ ആൽബമായ ദ ഓപ്പൺ ഡോർ പുറത്തിറക്കി, അത് അഞ്ച് ദശലക്ഷത്തിലേറെ പകർപ്പുകൾ വിറ്റഴിച്ചു.
Evanescence | |
---|---|
![]() Evanescence in 2015. Left to right: Jen Majura, Tim McCord, Amy Lee, Troy McLawhorn, and Will Hunt. | |
പശ്ചാത്തല വിവരങ്ങൾ | |
ഉത്ഭവം | Little Rock, Arkansas, U.S. |
വർഷങ്ങളായി സജീവം | 1995–2012, 2015–present |
ലേബലുകൾ |
|
അംഗങ്ങൾ |
|
മുൻ അംഗങ്ങൾ |
|
വെബ്സൈറ്റ് | evanescence |
ബാൻഡിന്റെ അംഗങ്ങൾ പലതവണ മാറിയിട്ടുണ്ട്. 2002 ൽ ഡേവിഡ് ഹോഡ്ജസ്, 2003 ൽ സഹ സ്ഥാപകനായ മൂഡി, 2006 ൽ ഗിറ്റാറിസ്റ്റ് ജോൺ ലീ കോംപ്റ്റ്, 2007 ൽ ഡ്രമ്മർ റോക്കി ഗ്രേ, 2015 ൽ ടെറി ബെൽസ്മോ എന്നിവർ ബാൻഡ് വിട്ടുപോയി. അതിനാൽ ബാൻഡിന്റെ മൂന്നു സ്റ്റുഡിയോ ആൽബങ്ങളിലും വ്യത്യസ്ത താരനിരയാണ് ഉള്ളത്. അവസാനത്തെ രണ്ടു മാറ്റങ്ങളും ഒരു ഇടവേളയ്ക്ക് കാരണമായി. ദശാബ്ദത്തിലെ മികച്ച കലാകാരന്മാരുടെ ബിൽബോർഡ് പട്ടികയിൽ എവനസെൻസിന് എഴുപതിയൊന്നാം സ്ഥാനം ലഭിച്ചു.
2009 ജൂണിൽ പ്രഖ്യാപിച്ച പുതിയ നിരയുമായി ബാൻഡ് അവരുടെ പേര് തന്നെ നൽകിയ മൂന്നാം സ്റ്റുഡിയോ ആൽബം 2011 ഒക്ടോബർ 11-ന് പുറത്തിറക്കി.ബിൽബോർഡ് 200 പട്ടികയിൽ ഒന്നാമതായ ഈ ആൽബം 127,000 പകർപ്പുകൾ വിറ്റഴിച്ചു. റോക്ക് ആൽബം, ഡിജിറ്റൽ ആൽബങ്ങൾ, ബദൽ ആൽബങ്ങൾ, ഹാർഡ് റോക്ക് ആൽബങ്ങൾ ചാർട്ടുകൾ എന്നീ നാല് വ്യത്യസ്ത ബിൽബോർഡ് ചാർട്ടുകളിൽ ഈ ആൽബം ഒന്നാമതെത്തി. 2012 ൽ പുതിയ ആൽബം പ്രോത്സാഹിപ്പിക്കുന്നതിനായി ദി പ്രെറ്റി റെക്ക്ലെസ്, ഫെയർ ടു മിഡ് ലാൻഡ് ഉൾപ്പെടെയുള്ള മറ്റു ബാൻഡുകളുളോടൊപ്പം ബാൻഡ് പര്യടനം നടത്തി. ട്രോയ് മക്ലോറൺ ഇക്കാലത്ത് ഒരു മുഴുവൻസമയ അംഗമായി മാറി. 2012 ൽ ആൽബത്തിന്റെ പര്യടനത്തിന്റെ അവസാനം, ബാൻഡ് മറ്റൊരു ഇടവേളയിൽ പ്രവേശിച്ചു.
2015 ൽ, എവനസെൻസ് ഇടവേള മതിയാക്കി വീണ്ടും പര്യടനം പുനരാരംഭിക്കും എന്ന് പ്രഖ്യാപിച്ചു. 2017 നവംബർ 10 ന്, എവനസെൻസിന്റെ നാലാം ആൽബമായ സിന്തസിസ് പുറത്തിറങ്ങി.