എയർ ഗൺ
From Wikipedia, the free encyclopedia
ഉയർന്ന മർദ്ദത്തിലുള്ള വായുവോ മറ്റേതെങ്കിലും വാതകമോ ഉപയോഗിച്ച് പെല്ലെറ്റുകളെ പുറത്തേക്ക് പായിക്കുന്ന തോക്കുകളെ എയർ ഗൺ എന്നു പരക്കെ അറിയുന്നു. സാധാരണ തോക്കുകളിൽ കത്തുന്ന ഇന്ധനം ഉപയോഗിച്ചാണ് വെടിയുണ്ട പുറത്തേക്ക് പായിക്കുന്നത്. എയർ പിസ്റ്റളുകളും എയർ ഗണ്ണുകളും ലോഹ ഉണ്ടകളോ ലോഹ പെല്ലറ്റുകളോ ആണ് ഉപയോഗിക്കുന്നത്.
ചുരുക്കിവച്ച സ്പ്രിംഗുകളിലോ മർദ്ദിത വാതകത്തിലൊ ഉള്ള സ്ഥാനികോർജ്ജത്തെ ഗതികോർജ്ജമായി പ്രൊജക്റ്റൈലുകളിലേക്ക് മാറ്റപ്പെടുന്ന ഒരു യാന്ത്രിക സംവിധാനമ്മാണ് എയർ ഗണ്ണുകൾ. [1]
പ്ലാസ്റ്റിക് ഉണ്ടകളോ പെല്ലറ്റുകളോ ഉപയോഗിക്കുന്നവയെ എയർ സോഫ്റ്റ് ഗൺ എന്നാണ് പറയുന്നത്.
സുരക്ഷ കാരങ്ങളാലും നിയമ നിയന്ത്രണങ്ങളാലും ഇന്നത്തെ എയർഗണ്ണുകൾ ശേഷികുറവുള്ളവയാണ്.. ഇപ്പോഴും കൂടുതൽ ശേഷിയുള്ളവ വേട്ടയ്ക്കായി ഉപയോഗിക്കുന്നുണ്ട്.. ഇത്തരം എയർ രൈഫിളുകൾക്ക് ഏകദേശം ശബ്ദത്തിന്റെ വേഗതയിൽ തന്നെ പെല്ലറ്റുകൾ പായിക്കാനാവും. മിക്ക ശേഷി കുറഞ്ഞ എയർഗണ്ണുകളും തൊടികളിൽ ഉപയോഗിക്കാവുന്നവയാണ്.
ചിലരാജ്യങ്ങളിൽ ഇപ്പോഴും ഇവയെ വെടിക്കോപ്പുകളായാണ് കാണുന്നത്. അവിടെ ജനവാസമുള്ള പ്രദേശങ്ങളിൽ ഉപയോഗിക്കാൻ അനുവാദമില്ല. ഒളിമ്പിക്കിലെ മത്സരങ്ങളിൽ കൂടുതൽ കൃത്യതയുള്ള 10മീറ്റർ ദൂരപരിധിയുള്ള എയർഗൺ ഉപയോഗിച്ചുള്ള മത്സരങ്ങളാണൂള്ളത്.