![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d6/Alor_Setar_Zahir.jpg/640px-Alor_Setar_Zahir.jpg&w=640&q=50)
അലോർ സെറ്റാർ
From Wikipedia, the free encyclopedia
അലോർ സെറ്റാർ മലേഷ്യയിലെ കെഡാ സംസ്ഥാനത്തിന്റെ തലസ്ഥാനമായ ഒരു നഗരമാണ്. 2004 മുതൽ 2008 വരെയുള്ള കാലഘട്ടത്തിൽ ഈ നഗരം അലോർ സ്റ്റാർ എന്നറിയപ്പെട്ടിരുന്നു.[2] ജനസംഖ്യയനുസരിച്ച് ഇത് സുൻഗായി പെറ്റാനി കഴിഞ്ഞാൽ കെഡാ സംസ്ഥാനത്തെ രണ്ടാമത്തെ വലിയ നഗരമാണ്. ഈ നഗരങ്ങൾ ഏറ്റവും നീളമേറിയ അതിവേഗപാതയുടെ ഓരത്തായി മലേഷ്യൻ ഉപദ്വീപിന്റെ പടിഞ്ഞാറൻ തീരത്തായാണ് സ്ഥിതിചെയ്യുന്നത്. കോലാലംപൂരിൽനിന്ന് 400 കിലോമീറ്റർ ദൂരത്തിലും പെനാംഗിലെ ജോർജ്ജ് ടൌണിൽനിന്ന് 79 കിലോമീറ്ററുമാണ് (49 മൈൽ) ഈ നഗരത്തിലേയ്ക്കുള്ള ദൂരം. സെൻട്രൽ സ്റ്റേറ്റ് അഡ്മിനിസ്ട്രേഷൻ സെന്ററിന്റെ ആസ്ഥാനവും കോട്ട സെറ്റാർ ജില്ലയുടെ ഭരണ കേന്ദ്രവും കൂടിയാണ് ഈ നഗരം. അലോർ സെറ്റാർ മലേഷ്യയിലെ സവിശേഷമായ ഒരു സംസ്ഥാനമാണ് എന്തുകൊണ്ടെന്നാൽ, സർക്കാർ സ്കൂളുകളും വിദ്യാലയങ്ങളും ഓരോ ആഴ്ചകളിലും ഞായർ മുതൽ വ്യാഴം വരെയുള്ള ദിവസങ്ങളിലാണ് മലേഷ്യയുടെ അങ്ങേ അറ്റത്തുള്ള നഗരമായ ഇവിടെ പ്രവർത്തിക്കുന്നത്. മറ്റ് അയൽ സംസ്ഥാനങ്ങളിൽ ഇതു വ്യത്യസ്തമാണ്.
Alor Setar | |||
---|---|---|---|
City and State Capital | |||
Other transcription(s) | |||
• Jawi | الور ستار | ||
• Chinese | 亚罗士打 | ||
![]() | |||
| |||
Motto(s): Bandaraya Warisan Dalam Taman | |||
Coordinates: 6°7′N 100°22′E | |||
Country | Malaysia | ||
State | Kedah | ||
District | Kota Setar | ||
Establishment | 1735 | ||
Granted municipality status | 1 February 1978 | ||
Granted city status | 21 December 2003 | ||
• Mayor | Mohd Zohdi Saad | ||
• ആകെ | 666.0 ച.കി.മീ.(257.14 ച മൈ) | ||
ഉയരം | 7 മീ(23 അടി) | ||
(2010)[1] | |||
• ആകെ | 405,523 | ||
• ജനസാന്ദ്രത | 608.89/ച.കി.മീ.(1,577.0/ച മൈ) | ||
• Demonym | Alor Setarian | ||
സമയമേഖല | UTC+8 (MST) | ||
• Summer (DST) | Not observed | ||
Postal code | 05xxx | ||
International dialling code prefix | +6047 (landline only) | ||
വെബ്സൈറ്റ് | www |
മലേഷ്യയിൽ നിന്ന് തായ്ലൻഡിലേക്കുള്ള പ്രധാന യാത്രാമാർഗ്ഗത്തിലെ തന്ത്രപ്രധാനമായ ഇതിൻറെ സ്ഥാനം, ഈ നഗരത്തെ വടക്കേ മലയൻ ഉപദ്വീപിലെ ഒരു വലിയ ഗതാഗത കേന്ദ്രമാക്കി മാറ്റിയിരിക്കുന്നു. നിലവിൽ, 666 ചതുരശ്ര കിലോമീറ്റർ വിസ്തൃതിയുള്ള ഈ നഗരത്തിൽ 2010 ലെ സെൻസസ് ഏകദേശം 300,000 ത്തിലധികം പേർ അധിവസിക്കുന്നുണ്ട്. പ്രാദേശിക തലത്തിൽ അലോർ സെറ്റാറിൻറെ ഭരണനിയന്ത്രണം അലോർ സെറ്റാർ സിറ്റി കൌൺസിനാണ് .2006 ൽ തുറന്നു പ്രവർത്തനമാരംഭിച്ച സുൽത്താൻ അബ്ദുള്ള ഹലീം വിമാനത്താവളമാണ് ഈ നഗരത്തിൻറെ ഉപയോഗത്തിലുള്ളത്. വാണിജ്യ അന്താരാഷ്ട്ര വിമാന സർവ്വീസുകളൊന്നും ഈ വിമാനത്താളത്തിലേയ്ക്കു സർവ്വീസ് നടത്തുന്നില്ല. എന്നാൽ; ഹജ്ജ് തീർത്ഥാനത്തിൻറെ കാലത്ത് തീർഥാടകർക്കായി സൗദി അറേബ്യയിലേക്ക് ഇവിടെനിന്ന് പ്രത്യേക വിമാനങ്ങൾ സർവ്വീസ് നടത്താറുണ്ട്. ഈ നഗരം മലേഷ്യൻ ഉപദ്വീപിലെ മറ്റു ഭാഗങ്ങളുമായി വടക്കുപടിഞ്ഞാറൻ അതിവേഗപ്പാത, ഷഹാബ് പെർദാന ബസ് സ്റ്റേഷൻ, അലോർ സെറ്റാർ റെയിൽവേ സ്റ്റേഷൻ എന്നിവ വഴി ബന്ധപ്പെടുത്തിയിരിക്കുന്നു. നഗരത്തിലെ ക്വാല കെഡാഹ് ജെട്ടിയിൽ നിന്നുള്ള ബോട്ടുകൾ പ്രശസ്ത റിസോർട്ട് ദ്വീപുമായി നഗരത്തെ ബന്ധിപ്പിക്കുന്നു.
അലോർ സെറ്റാർ നഗരം മലേഷ്യയിലെ രണ്ടു പ്രധാനമന്ത്രിമാരുടെ ജന്മദേശമാണ്. മലേഷ്യയുടെ ആദ്യത്തെ പ്രധാനമന്ത്രിയായിരുന്നു YTM തുങ്കു അബ്ദുൽ റഹ്മാൻ, നാലാമത് പ്രധാനമന്ത്രിയായിരുന്ന തുൺ ഡോ. മഹാതിർ ബിൻ മുഹമ്മദുമാണ് ഇവർ.