അലി ഇബ്ൻ അൽ മദീനി
From Wikipedia, the free encyclopedia
From Wikipedia, the free encyclopedia
ഒൻപതാം നൂറ്റാണ്ടിലെ ഒരു പ്രമുഖ ഹദീഥ് വിശാരദനും ഇസ്ലാമിക പണ്ഡിതനുമായിരുന്നു അലി ഇബ്ൻ അൽ മദീനി എന്നറിയപ്പെട്ട അബുൽ ഹസൻ അലി ഇബ്ൻ അബ്ദുല്ലാഹ് അൽ മദീനി[4] (778 CE/161 AH – 849/234) (അറബി: أبو الحسن علي بن عبد الله بن جعفر المديني) ഹദീഥ് വിശകലനത്തിലെ പ്രധാനികളായ നാല് പണ്ഡിതരുടെ പട്ടികയിൽ ഒരാളായി ഇദ്ദേഹം കണക്കാക്കപ്പെടുന്നു[5]. അഹ്മദ് ഇബ്ൻ ഹൻബൽ, ഇബ്ൻ അബീ ശൈബ, യഹ്യ ഇബ്ൻ മഈൻ എന്നിവരാണ് പട്ടികയിലെ മറ്റുള്ളവർ. ഹദീഥ് ശാസ്ത്രത്തിൽ വലിയ സ്വാധീനം അലി ഇബ്ൻ അൽ മദീനി ചെലുത്തിയതായി വിലയിരുത്തപ്പെടുന്നു.
മദീനാ വംശജരായ കുടുംബത്തിൽ ഇറാഖിലെ ബസറയിൽ 778 CE/161 AH -ലാണ് ഇബ്ൻ അൽ മദീനി ജനിക്കുന്നത്[6]. പിതാവ് അബ്ദുല്ലാഹ് ഇബ്ൻ ജാഫർ, ഹമ്മാദ് ഇബ്ൻ യസീദ്, ഹുഷൈം, സുഫ്യാൻ ഇബ്ൻ ഉയയ്ന എന്നിവരിൽ നിന്നായി വിദ്യയഭ്യസിച്ച അദ്ദേഹം പഠനത്തിൽ വലിയ മികവ് പുലർത്തിയതായി പറയപ്പെടുന്നു[4].
ഹദീഥ്, ഹദീഥ് നിവേദകരുടെ ജീവചരിത്ര വിശകലനം, അൽ-ഇലാൽ (സനദ്, നിവേദന പരമ്പര എന്നിവയിൽ പ്രത്യക്ഷമല്ലാത്ത വൈകല്യങ്ങൾ) എന്നിവയിൽ ഇബ്ൻ അൽ മദീനി വൈദഗ്ദ്ധ്യം നേടി. സമകാലികരും പിൻഗാമികളും അദ്ദേഹത്തെ ഹദീഥുകളെ സംബന്ധിച്ച് ഏറ്റവും അറിവുള്ളവൻ എന്ന് പ്രശംസിച്ചു വന്നു[4].
ഇബ്നു അൽ മദീനി ഇറാഖിലെ സമറയിൽ 849 ജൂണിൽ (ദുൽഖഅദ 234-ൽ) ഇറാഖിലെ സമർറയിൽ ഇബ്ൻ അൽ മദീനി അന്തരിച്ചു[4][6].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.