അയൺ ഓക്സൈഡ്
From Wikipedia, the free encyclopedia
ഇരുമ്പ്, ഓക്സിജൻ എന്നിവ അടങ്ങിയ രാസ സംയുക്തമാണ് അയൺ ഓക്സൈഡ്[1]. പ്രകൃതിയിൽ അയൺ ഓക്സൈഡ് പല രൂപങ്ങളിലും കാണപ്പെടുന്നു. വ്യാപകമായി ഉപയോഗിക്കപ്പെടുകയും ചെയ്യുന്നുണ്ട്. പല ഭൗമീയ പ്രവർത്തനങ്ങളിലെയും ജൈവശാസ്ത്ര പ്രവർത്തനങ്ങളിലേയും ഒരു സുപ്രധാന ഘടകം കൂടിയാണ് ഇത്. അയിര്, വർണ്ണകങ്ങൾ, ഉൽപ്രേരകങ്ങൾ തുടങ്ങി വിവിധ മേഖലകളിൽ ഇതിന്റെ ഉപയോഗം ഒഴിവാക്കാനാവാത്തതാണ്. രക്തഘടകമായ ഹീമോഗ്ലോബിന്റ നിർമ്മാണ പദാർത്ഥം കൂടിയാണ് അയൺ ഓക്സൈഡ്. തുരുമ്പ് അയൺ ഓക്സൈഡ് തന്നെയാണ്. പെയിന്റ് നിർമ്മാണത്തിൽ പിഗ്മെന്റായും ഭക്ഷണ പദാർത്ഥങ്ങളിൽ നിറം ചേർക്കാനുള്ള ഘടകമായും വരെ ഇത് ഉപയോഗിക്കപ്പെടുന്നു. ഭക്ഷണഘടകമെന്ന തരത്തിൽ ഉപയോഗിക്കപ്പെടുമ്പോൾ ഇതിന്റെ ഇ-നമ്പർ E172 ആണ്.