അന്താരാഷ്ട്രധനകാര്യ കോർപറേഷൻ
From Wikipedia, the free encyclopedia
ലോകബാങ്കിന്റെ ഒരു കൂട്ടുസ്ഥാപനമാണ് അന്താരാഷ്ട്രധനകാര്യ കോർപറേഷൻ. പ്രത്യുത്പാദനപരമായ വ്യവസായങ്ങൾക്ക് സാമ്പത്തികസഹായം നൽകി അംഗരാജ്യങ്ങളുടെ സാമ്പത്തികഭദ്രത മെച്ചപ്പെടുത്തുകയാണ് ഈ സ്ഥാപനത്തിന്റെ ഉദ്ദേശ്യം. കോർപ്പറേഷന് ലോകബാങ്കിൽനിന്നും വ്യത്യസ്തമായ അസ്തിത്വമുണ്ട്. ഗവൺമെന്റിന്റെ ഉറപ്പു കൂടാതെ തന്നെ സ്വകാര്യമേഖലയിലുള്ള വ്യവസായസംരംഭങ്ങൾക്ക് സഹായം നല്കി അംഗരാഷ്ട്രങ്ങളുടെ വ്യവസായവികസനത്തെ ഇത് പുഷ്ടിപ്പെടുത്തുന്നു. കോർപ്പറേഷന്റെ ആസ്ഥാനം വാഷിങ്ടൺ ആണ്.