![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0d/Vida_y_viajes_de_Crist%25C3%25B3bal_Col%25C3%25B3n-1852-Honores_Tributados_%25C3%25A0_la_Reina_Anacaona.png/640px-Vida_y_viajes_de_Crist%25C3%25B3bal_Col%25C3%25B3n-1852-Honores_Tributados_%25C3%25A0_la_Reina_Anacaona.png&w=640&q=50)
അനകയോണ
From Wikipedia, the free encyclopedia
അനകയോണ (1474-1503)16-ാം നൂറ്റാണ്ടിൽ ജീവിച്ചിരുന്ന ടെയിനോ ജനതയുടെ ചീഫ് (കാസികോ) ആയിരുന്നു. (ഇന്നത്തെ ഹൈതിയും ഡൊമനിക്കൻ റിപ്പബ്ലിക്കും) ചീഫുകളുടെ കുടുംബത്തിലാണ് അനകയോണ ജനിച്ചത്. ടെയിനോ ഭാഷയിൽ അനകയോണ എന്നാൽ സ്വർണ്ണ പുഷ്പം എന്നാണർത്ഥം. അന എന്നാൽ പുഷ്പം എന്നും കയോണ എന്നാൽ സ്വർണ്ണം എന്നും ആണ് ടെയിനോ ജനതകൾ അർത്ഥമാക്കിയിരുന്നത്. ജരഗുവയിലെ ചീഫ് ആയിരുന്ന ബൊഹെക്കിയോയുടെ സഹോദരിയായിരുന്നു അനകയോണ. തൊട്ടടുത്ത മഗുവാന പ്രദേശത്തെ ചീഫായ കയൊനാബൊ ആയിരുന്നു അവളുടെ ഭർത്താവ്. കിസ്കേയ ദ്വീപിലെ അഞ്ച് വലിയ കാസിക്വാകളിൽ രണ്ടെണ്ണം അവളുടെ ഭർത്താവും സഹോദരനും ചേർന്നാണ് ഭരിച്ചിരുന്നത്. 1492-ൽ സ്പാനിഷുകാർ താമസമായതിനുശേഷം ഈ പ്രദേശം ഹിസ്പാനിയോല എന്നാണ് അറിയപ്പെടുന്നത്. സറാഗുവ, മാഗുവാന ഹിഗ്വേ, മാഗുവാ , മാരിയേൻ എന്നീ അഞ്ച് രാജ്യങ്ങൾ ആയിരുന്നു ഹിസ്പാനിയോലയിൽ ഉണ്ടായിരുന്നത്.
![Thumb image](http://upload.wikimedia.org/wikipedia/commons/thumb/9/9a/Anacaona.tiff/lossy-page1-320px-Anacaona.tiff.jpg)
![Thumb image](http://upload.wikimedia.org/wikipedia/commons/thumb/5/52/Massacre_of_Queen_Anacaona_and_her_subjects.jpg/640px-Massacre_of_Queen_Anacaona_and_her_subjects.jpg)
അനകയോണ ബാലെകൾ ചിട്ടപ്പെടുത്തുകയും അവയ്ക്കുവേണ്ട പദ്യങ്ങൾ രചിക്കുകയും ചെയ്തിരുന്നു. ഇത് ടെയിനോ ഭാഷയിൽ അരിയോട്ട്സ് എന്നാണ് അറിയപ്പെട്ടിരുന്നത്.