Черновечката Област (украински: Чернівецька област) — една од 24-те области на Украина. Се наоѓа во западниот дел на земјата. Tаа е дел од историската област Буковина. Граничи со Ивано-Франковската, Хмелничката и Тернополската област. На југ, Черновечката Област граничи со Романија и Молдавија. Опфаќа површина од 8 097 км2. Во областа има 398 села и 11 градови.
Историја
- 1775-1918, територијата е дел на Австрија, а потоа на Австроунгарија, под името Кралство Галиција.
- Дел од Романија 1918—1939.
- Буковина, според договорот со Романија, влегува во Советскиот Сојуз (1940).
- Од 1940 година, под името „Черновечка Област“, областа е дел на Украинската ССР.
- Од 1991 година, областа е дел на независна Украина.
Демографија
Според пописот на населението во 2001 година, во Черновечката Област живеат најмногу Украинци (75%), а останатите се Романци (12,5%), Молдавци (7,3%) и Руси (4,1%).