![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/39/Phospholipid_TvanBrussel.jpg/640px-Phospholipid_TvanBrussel.jpg&w=640&q=50)
Фосфолипид
From Wikipedia, the free encyclopedia
Фосфолипидите претставуваат сложени липиди каде нелипидната компонента е фосфорна киселина. Од фосфолипидите, кај растенијата најдобро се проучени фосфатидите, каде двете OH групи на глицеролот се естерифицирани со виши масни киселини, додека третата OH група е естерифицирана со фосфорна киселина за која е врзано органско соединение кое содржи азот во вид на холин или серин.
![](http://upload.wikimedia.org/wikipedia/commons/thumb/3/39/Phospholipid_TvanBrussel.jpg/320px-Phospholipid_TvanBrussel.jpg)
Тие се значајни органски соединенија бидејќи влегуваат во состав на клеточната мембрана и мембраните на другите клеточни структури.
За молекулата на фосфолипидите е карактеристично што е таа биполарна, односно има еден хидрофилен (се сврзува со вода) и еден хидрофобен (не се сврзува со вода) крај. Поточно, фосфатната група со азотното органско соединение го сочинуваат хидрофилниот, главичест дел од молекулата на фосфолипидот, а вишите масни киселини го претставуваат хидрофобниот опашест дел на молекулата.