Фолињо
општина во Италија From Wikipedia, the free encyclopedia
општина во Италија From Wikipedia, the free encyclopedia
Фолињо (италијански: Foligno) е град во централна Италија. Градот е втор по големина во областа Перуџа во италијанската провинција Умбрија.
Фолињо | |
---|---|
општина | |
Земја | Италија |
Регион | Умбрија |
Покраина | Перуџа (PG) |
Управа | |
• Градоначалник | Стефано Зукарини |
Површина | |
• Вкупна | 263 км2 (102 ми2) |
Надм. вис. | м | 234
Население (31 август 2017) | |
• Вкупно | 56.918 |
• Густина | 220/км2 (560/ми2) |
Демоним | Фолињати или Фулгинати |
Час. појас | CET (UTC+1) |
• Лето (ЛСВ) | CEST (UTC+2) |
Пошт. бр. | 06034, 06030, 06037 |
Повик. бр. | 0742 |
Светец-заштитник | Свети маченик Феликијан |
Слава | Јануари 24 |
Мреж. место | Матична страница |
Градот Фолињо е најпознат како еден од најважните железнички центри во Италија.
Фолињо се наоѓа во централниот дел на Италија, во источниот дел на Умбрија. Градот се наоѓа во брановидна долина опкружена со Апенините. Центарот на градот се наоѓа на рид, што му дава на градот многу живописен изглед.
Фолињо најверојатно го основале Умбријците во предримскиот период (веројатно 8 век п.н.е). Бил освоен од Римјаните по битката кај Сентинум во 295 п.н.е., добивајќи го името Фулгинија од античкиот култ на божицата Фулгинија. Во класичното римско време градот добил важност најпрво како општина, подоцна како седиште на префектура и на крајот како центар на патниот сообраќај долж античката Виа Фламинија.
Градот почнал да се распаѓа во годините на доцното Римско Царство:Фулгинија станал дел од Војводството Сполето и бил ограбен од Сарацените во 881 година и уништен од Маџарите во 915 година и повторно во 924 година: неговите жители затоа решил да се преселат, населувајќи се околу блиската црква зајакната со ѕидови каде што бил погребан епископот и маченик Фелисијано во 3 век од нашата ера и која тогаш била веќе населена. Новото седиште, исто така, привлекло луѓе од Форум Фламини (сега Сан Џовани Профиама), соседен град и поранешна епископија која била уништена од Ломбардите под Лиутпранд, но останал седиште на латино-католичката црква.
Фолињо закрепнал и продолжил да расте, и на крајот добил статус на слободен град во 1165 година благодарение на царот Фридрих Барбароса. Во период на 13 век Фолињо процветал и го достигнал врвот на своето богатство а, и во 15 век, бил центар на уметноста. Под нивна Контрола биле големи територии како Асизи, Бевања, Џано, Монтефалко, Ночера и Спело.
Кога Корадо Тринчи се свртел против папската власт, папата Евгениј IV испратил војска против Фолињо во 1439 година, предводена од кардиналот Џовани Вителески. Жителите ги отвориле своите порти и Корадо бил обезглавен во 1441 година во замокот Соријано. Оттогаш, Фолињо ѝ припаѓал на Папската Држава до 1860 година, со исклучок на ерата на Наполеон, кога била дел од Римската Република (1799), потоа од Француското Царство (1809-1814). Граѓаните зеле активно учество во војните во Ризорџименто, а на 14 септември 1860 година савојските трупи го зазеле градот и го припоиле кон Кралството Италија.
Градот бил погоден од големи земјотреси, како оние од 1832 и 1997 година.
Според резултатите од пописот на населението во 2011 година, во општината живееле 58.363 жители.[1]
1931 | 1936 | 1951 | 1961 | 1971 | 1981 | 1991 | 2001 | 2011 |
---|---|---|---|---|---|---|---|---|
36.138 | 37.650 | 44.576 | 48.069 | 50.037 | 52.551 | 53.202 | 51.130 | 58.363 |
Фолињо денес има околу 57.000 жители (втор по големина град во областа), главно Италијанци. Во последните децении бројот на жители во градот стагнира.
Главни атракции на градот се:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.