![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b6/System_boundary.svg/langmk-640px-System_boundary.svg.png&w=640&q=50)
Термодинамика
From Wikipedia, the free encyclopedia
Термодинамиката е физичка дисциплина што ги изучува својствата на топлинската енергија и нејзините трансформации. Се дели на рамнотежна термодинамика и нерамнотежна термодинамика. Рамнотежната термодинамика ги изучува системите што се во состојба на стационарна термодинамичка рамнотежа, додека нерамнотежната термодинамика ги изучува оние системи што не се во состојба на термодинамичка рамнотежа.
![]() | Оваа статија можеби бара дополнително внимание за да ги исполни стандардите за квалитет на Википедија. Ве молиме подобрете ја оваа статија ако можете. |
![](http://upload.wikimedia.org/wikipedia/commons/thumb/b/b6/System_boundary.svg/640px-System_boundary.svg.png)
Кога зборуваме за термодинамиката, вообичаено се мисли на феноменолошката термодинамика која термодинамичките системи ги изучува феноменолошки, односно со воопштување на експерименталните резултати и не водејќи сметка за микро одликите на системите. Законитостите во термодинамиката се засновани на термодинамичките принципи.
Статистичката термодинамика има сосема поинаков приод при изучувањето на термодинамичките системи. За неа основно е познавањето на Хамилтоновиот оператор на системот, којшто преку методот на фазни ансамбли овозможува да се определи најпрвин статистичката сума (интеграл) а потоа и соодветната величина за „врска“ помеѓу микро и макро одликите на термодинамичките системи. Величините за врска се термодинамички потенцијали коишто зависат од изборот на фазниот ансамбл.