![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/df/Tasman_Sea.jpg/640px-Tasman_Sea.jpg&w=640&q=50)
Тасманово Море
море / From Wikipedia, the free encyclopedia
Тасманово Море (англ. Tasman Sea) е голема водна површина помеѓу Австралија и Нов Зеланд со пречник од околу 2000 километри. Ова море е југозападен сегмент на Јужниот Тихи Океан. Именувано е по холандскиот истражувач Абел Тасман, првиот Европеец кој ги открил Нов Зеланд и Тасманија. Британскиот исражувач Џејмс Кук подоцна, во 1770-тите детално го истражувал Тасмановото Море како дел од неговото прво патешествие.
![Thumb image](http://upload.wikimedia.org/wikipedia/commons/thumb/d/df/Tasman_Sea.jpg/640px-Tasman_Sea.jpg)
![Thumb image](http://upload.wikimedia.org/wikipedia/commons/thumb/4/4a/Tasman_sea.jpg/640px-Tasman_sea.jpg)
Според Меѓународната хидрографска организација, во Тасмановото море спаѓаат водите источно од австралиските држави Нов Јужен Велс, Викторија и Тасманија. Северната држава Квинсленд се граничи со Коралното Море, а границата помеѓу Нов Јужен Велс и Квинсленд исто така е и граница помеѓу двете мориња.
Тасмановото Море има разни островски групи во неговата средина, сосема раздалечени од австралиските или новозеландските крајбрежни острови:
- Лорд Хау и неговите споредни острови
- Болова Пирамида.
- Остров Норфолк), во најсеверниот дел на Тасмановото Море, на границата со Коралното Море.
Сите овие острови ѝ припаѓаат на Австралија.