![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7d/Sokol_sport_costumes.jpg/640px-Sokol_sport_costumes.jpg&w=640&q=50)
Соколи (гимнастичарско движење)
Организација основана во Прага за гимнастичари од сите возрасти / From Wikipedia, the free encyclopedia
Соколи — организација за гимнастика за сите возрасти, првично основана во Прага, Чешка, тогашна област на Австроунгарија во 1862 година од страна на Мирослав Тирш и Јинджих Фигнер. Се заснова на принципот „во здраво тело здрав дух“. Соколи преку предавања, дискусии и групни екскурзии, го овозможувало она што Тирш го сметал за физичка, морална и интелектуална обука и тренинг на нацијата. Овие тренинзи се прошириле кај мажи од сите возрасти и категории, подоцна и кај жените.
![Thumb image](http://upload.wikimedia.org/wikipedia/commons/thumb/7/7d/Sokol_sport_costumes.jpg/320px-Sokol_sport_costumes.jpg)
Движењето се проширило и низ сите региони населени со словенска култура: Полска, Србија, Бугарија, Македонија, Руско Царство, Украина, Белорусија и остатокот од Австроунгарија (т.е. денес Словенија и Хрватска). Во многу од овие нации организацијата исто така е претходник на движењето извидници. Иако официјално ја прокламирало институцијата „над политиката“, Соколи одиграл важна улога во развојот на чешката преродба обезбедувајќи форум за ширење на масовна национална идеологија. Статиите објавени во списанието Соколи, предавањата во библиотеките Сокол и театралните изведби, големите гимнастички фестивали наречени „слетови“, помогнале да се формира и распространи чешката национална митологија и верзија на историјата.