From Wikipedia, the free encyclopedia
Водите претставуват многу значаен природен фактор за животот на луѓето, за развојот на животинскиот и растителниот свет, како и на земјоделието. Тие се користат како енергетски извори, за наводнување, за рекреација и спорт како и води со лековити својства. Во зависност од релјефот и климата, во Република Македонија се наоѓаат подземни води и извори, реки и езера.
![]() | Оваа статија или заглавие има потреба од викифицирање за да ги исполни стандардите за квалитет на Википедија. Ве молиме помогнете во подобрувањето на оваа статија со соодветни внатрешни врски. |
![]() | Оваа статија можеби бара дополнително внимание за да ги исполни стандардите за квалитет на Википедија. Ве молиме подобрете ја оваа статија ако можете. |
Подземните води лежат врз непропусливи слоеви од глина над кои, пак, се наоѓаат пропусливи слоеви од ситен песок и чакал. Во нашава земја има два типа подземни води: бунарски и артерски.
Бунарските подземни води се најчесто застапени во котлините и во речните долини. Вода добиваат од врнежите или од самите реки, доколку се наоѓаат во близина на речното корито.
Артерските подземни води ги има во сите наши котлини. Тие се наоѓаат меѓу два непропусливи слоја. Кога горниот непропуслив слој ќе се продупчи, водата излегува на површината во вид на водоскок. Нивната најголема распространетост е на длабочина меѓу 50 и 80 метри.
Извори во Македонија има околу 1.100. Тие се делат на слаби и јаки извори. Многу јаките извори се наречени врутоци. Такви се врутоците на Вардар, Црна Река, Треска и други. Најголем број извори се наоѓаат во планинските подрачја на Шар Планина, Бистра, Баба, Јакупица, Кожуф и други. Најсилен извор во нашава земја е врутокот Острово, кај манастирот Св. Наум. Од наго излегуваат 11м³ вода во секунда. Врутокот Рашче со 4 м3 вода во секунда се смета за еден од најзначајните во Македонија. Со вода за пиење од него се снабдува населението на Скопје и околните настелби. Од особено значење е врутокот на Вардар, од кој се снабдува населението од Гостивар како и врутокот на реката Студенчица кој е значаен за населението од Кичево, Македонски Брод, Крушево и Прилеп.
Во Република Македонија има и минерални извори. Тие се делат на топли и студени извори. Во топлите извори температурата на водата е поголема од 20 °C, а во студените е помала од 20 °C. Топли извори има на 8 места и тие се преурадени во бањи, а студените се наоѓаат во близина на Скопје, Битола и Гевгелија.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.