Мудреци од исток, библиски магови или светите тројца мудреци — мудреци што дошле да се поклонат на Исус во мигот кога тој се родил. Според Евангелието по Матеј, тие дошле источно од Ерусалим и ја следеле ѕвездата што блескала над Витлеем. Во Ерусалим мудреците биле испратени од страна на царот Ирод, кој сакал да му кажат каде се родил Исус за да може да го убие. Кога го пронашле, му подариле три подароци: темјан, злато и миро (светено масло). По ова, Господ им наредил да не се враќаат во Ерусалим, туку да си одат во нивните земји.
![Thumb](http://upload.wikimedia.org/wikipedia/commons/thumb/e/ec/Bartolom%C3%A9_Esteban_Murillo_-_Adoration_of_the_Magi_-_Google_Art_Project.jpg/640px-Bartolom%C3%A9_Esteban_Murillo_-_Adoration_of_the_Magi_-_Google_Art_Project.jpg)
Новиот завет не ги дава имињата на мудреците. Подоцнежните преданија им припишуваат разни варијанти на имињата, со разни тези за нивното потекло. Најзастапени се:
- Мелхиор — учен мудрец од Персија
- Каспар или Гаспар — учен мудрец од Индија
- Валтазар — учен мудрец од Вавилон/Арабија
По смртта на мудреците, нивните мошти биле однесени во Цариград по кое истите биле пронајдени од страна на Света Елена. Во следните векови истите биле пренесени најпрвин во Милано, а подоцна и во Келн каде што се наоѓаат и денес. Мелхиор е заштитник на патниците, а Валтазар заштитник на болните од епилепсија.
Во западното христијанство, тие се сметаат за светци. Постои традиција дека се сметаат за владетели на краиштата од каде што доаѓаат, и се нарекуваат „Свети три крала“ или „Свети магови“.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.