![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8f/Swami_Prabhupada.jpg/640px-Swami_Prabhupada.jpg&w=640&q=50)
Меѓународно друштво за свесност за Кришна
From Wikipedia, the free encyclopedia
Меѓународното друштво за свесност за Кришна[1] (англ. International Society for Krishna Consciousness—ISKCON), исто така познато како движењето „Харе Кришна“, е една од многуте гаудија-вајшнавски групи.[2] Друштвото е основано во 1965 година во градот Њујорк од страна на А. Ч. Бхактиведанта Свами Прабхупада.[3]
![Thumb image](http://upload.wikimedia.org/wikipedia/commons/thumb/8/8f/Swami_Prabhupada.jpg/320px-Swami_Prabhupada.jpg)
Нивната основна филозофија се заснова врз традиционалните хиндуистички списи како Шримад Бхагаватам и Бхагавад-гита[4] кои, според традиционалното хиндуистичко гледиште, датираат од пред 5.000 години. Карактеристичниот изглед на движењето и неговата култура потекнува од гаудија-вајшнавската традиција на хиндуизмот. Движењето има следбеници во Индија уште од крајот на 15 век, а западњаци од почетокот на 1930-тите.
Друштвото е основано со цел да се прошири праксата бхакти-јога (почитување на Бога), со којашто приврзаниците ги посветуваат своите мисли и активности кон задоволувањето на ’Севишниот Господ‘ (свајам-бхагаван), Кришна. Денес, друштвото брои повеќе од 500 храмови, заедници и училишта ширум светот. Шрила Прабхупада превел повеќе од 50 книги за свесноста за Кришна, кои денес се достапни на повеќе од 65 светски јазици.