From Wikipedia, the free encyclopedia
Марк Јулијано (роден на 12 август 1973 година во Козенца) — поранешен италијански фудбалер кој играше како одбранбен играч, а најголемиот дел од својата кариера ја помина во италијанскиот гигант, Јувентус, во италијанската Серија А.
Марк Јулијано | |||
---|---|---|---|
Лични податоци | |||
Роден на | 12 август 1973 | ||
Роден во | Козенца, Италија | ||
Држава | Италија | ||
Висина | м | 1,91||
Играчки податоци | |||
Позиција | централен одбранбен играч | ||
Сегашен клуб | Латина (тренер) | ||
Повлекување | 18 март 2012 (како играч) | ||
Кариера* | |||
Години | Клуб | Наст.† | (Гол.)† |
1990–1996 | Салернитана | 83 | (1) |
1992-1993 | → Болоња | 24 | (1) |
1993–1994 | → Монца | 16 | (0) |
1996-2004 | Јувентус | 187 | (7) |
2005 | Мајорка | 29 | (4) |
2006 | Сампдорија | 4 | (0) |
2006-2007 | Месина | 21 | (0) |
2008 | Равена | 10 | (2) |
Репрезентација ‡ | |||
1998-2003 | Италија | 19 | (1) |
Раководител на екипите | |||
2012–2014 | Павија (Алиеви) | ||
2014–2015 | Латина (Примавера) | ||
2015– | Латина | ||
* Ажурирано на: 6 јануари 2011 ** Ажурирано на: 17 ноември 2010 |
Јулијано ја започнал својата професионална кариера 1990 година во Салернитана и бил пратен на едногодишна позајмица во Болоња и Монца. Со враќањето во матичниот клуб, Јулијано станал стандарден играч. Како награда за неговите одлични игри во клубот, тој бил купен од страна на торинскиот гигант Јувентус.
Јулијано дебитирал за новиот клуб на 15 септември 1996 во натпревар од Серија А против Каљари кој Јуве го добил со резултат 2-1. Јулиано играл за клубот речиси една деценија, а за време на тој период Јувентус доминирал во Серија А и во Лигата на шампионите.
Во летото 2005 Јулијано како слободен играч прешол во редовите на Мајорка, но по само една сезона се вратил во Италија каде шест месеци настапувал за Сампдорија. По разочарувачката авантура во клубот од Џенова, Марк во летото 2006 потпишал за сицилијанската Месина со која за жал испаднал од Серија А. Пред да се повлече од професионалното играње фудбал, Јулиано настапувал уште за Равена.
Јулијано дебитирал за Италија на 5 септември 1998 против Велс. Со националната селекција настапил на Евро 2000 на кое Аѕурите биле вицепрваци како и на Светското првенство 2002. Последниот натпревар во дресот на Италија го одиграл на 21 август 2002 во натпреварот против Словенија.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.