![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/53/Colosseum_in_Rome%252C_Italy_-_April_2007.jpg/640px-Colosseum_in_Rome%252C_Italy_-_April_2007.jpg&w=640&q=50)
Колосеум
From Wikipedia, the free encyclopedia
Колосеум (латински: Colosseum), изворно наречен „Флавиев амфитеатар“ (латински: Amphitheatrum Flavium), е најголемиот амфитеатар во Рим и во светот. Колосеумот бил изграден од царот Тит Флавиј Веспазијан кој го започнал во 72 г.н.е., а неговиот син царот Тит Флавиј Сабин Веспазијан го завршил во 80 г.н.е. Тие потекнувале од прочуено римско благородничко семејство, па оттаму и градбата го добила името. Некои поправки направил и царот Домицијан (81-96 г.н.е.). Изграден е како подарок за римските граѓани и тоа на местото на некогашната резиденција на римскиот цар Нерон. Во Колосеумот се одржувале гладијаторски борби и борби помеѓу животни, а собирал до 55.000 гледачи. Колосеумот бил врвен дострел во римската архитектура и градежништво. Покрај величествените димензии, тој бил лесно достапен преку системот од влезови и скалила, така што во случај на пожар можел да се испразни за само десет минути. Подоцна, градбата била користена за најразлични цели, како работилници, одаи за свештеници и христијанско светилиште.
На 7 јули 2007 година Колосеумот бил прогласен за едно од седумте светски чуда на Новиот Свет.
![]() Колосеум | |
---|---|
![]() | |
Место | Рим |
Изградено | околу 70 - 80 г.н.е. |
Градител | Тит Флавиј Веспазијан, Тит Флавиј Сабин Веспазијан |
Тип на градба | Амфитеатар |
Поврзани статии | Нема. |