![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3e/Nine-Dragons1.jpg/640px-Nine-Dragons1.jpg&w=640&q=50)
Кинеска митологија
From Wikipedia, the free encyclopedia
Кинеска митологија (пинјин:shénhuà, мандарински: 中國神話) опфаќа митови кои во кинеската традиција се пренесени писмено, усно и низ уметност. Митологијата е во врска со полубожествени и божествени суштества, чија вистинитост не е можно да се провери. Кинеската митологија се однесува на митовите кои настанале на територија на Кина, а нејзини најчести теми се однесуваат на постанокот на кинескиот свет и култура, како и силата на природата во однос на човекот. Бидејќи митовите зборуваат за натприродни настани, јазикот со кој се раскажани изобилува со хиперболи, метафори и апсурд. Со оглед на тоа дека се врзува за некој народ или за историја, митот од една страна е историска, а од друга страна е митолошка приказна и тоа ја разликува од останатите. Први спомнувања за кинеската митологија датираат од 12 век пред новата ера и се во врска со записите на проречените коски. Митовите усно се пренесувале илјада години додека конечно не биле запишани.
![Thumb image](http://upload.wikimedia.org/wikipedia/commons/thumb/3/3e/Nine-Dragons1.jpg/640px-Nine-Dragons1.jpg)
Во Кина исто така започнале многу други митолошки традиции, вклучувајќи ги тибетска митологија, турска митологија, корејска митологија, и други. Заедно со кинескиот фолклор, кинеската митологија е дел од кинеската народна религија.
Три најпознати кинески митски школи се: суанје, хуентјен и тјенгај џоубеј.