Зелен хуман град

Зелен хуман град (ЗХГ) — здружена иницијатива на 20 организации и активистички групи од Скопје. На локалните избори во 2021 година, тие настапиле со независна советничка листа за Советот на Град Скопје и освоиле две советнички места, а настапиле и со кандидат за градоначалник на Скопје кој не успеал да влезе во вториот круг.

Зелен хуман град
Основач	Горјан Јовановски, НаТочак, ЕДЕН, Анима Мунди, Биди Зелен, Мама органа, Една може, Полио плус, Ромалитико, Ајде Македонија, Хумани градови, Меѓаши
Гесло	За зелен и хуман град
Основана	16 септември 2020; пред 4 години (2020-09-16)
Штаб	Скопје
Идеологија	зелен општинизам директна демократија
Бои	Зелена
Совет на Град Скопје	2 / 45
Мрежно место
zhg.mk
Знаме
Политика на Македонија Политички партии Избори

Историја

Најголемиот дел од предисторијата на ЗХГ е локалниот граѓански активизам преку десетици организации кои низ годините се залагале за промени во локалните и национални политики опфаќајќи сфери како социјална правда, заштита на животната средина, заштита на животните и урбана подвижност.^[1] Движењето во форма на иницијатива се јавува по граѓански буџетен форум „Моја заедница, моја визија“ кога до скопското градско собрание се поднесени 27 предлози.^[2][3]

Локални избори 2021

На 14 јули движењето најавило дека ќе настапи на локалните избори во Град Скопје со своја независна советничка листа предводена од Драгана Велковска и Горјан Јовановски.^[1][4] Во подоцнежниот период преку платформата МојКандидат биле избрани и останатите поединци кои станале дел од конечната листа.^[5]

На 17 август ЗХГ го почнале процесот за собирање на потребите потписи за кандидирање на независна советничка листа.^[6] Истиот ден движењето ја претставило Ана Петровска како нивен кандидат за градоначалник на Скопје.^[7]

Поврзано

• Независни за Карпош
• Зелените од Гази Баба
• Шанса за Центар
• Подобро за Тетово
• Поинаку (Битола)

Наводи

1. Србиноска, Симона (14 јули 2021). „Коалицијата „Зелен хуман град" на локалните избори ќе настапи со независна листа за Град Скопје“. МИА. Скопје. Архивирано од изворникот на 2021-08-19. Посетено на 19 август 2021.
2. „Граѓански буџетен форум на Град Скопје „Моја заедница, моја визија" за зелен и хуман град“. Frontline. Скопје. 16 септември 2020. Посетено на 19 август 2021.
3. „Доставени 27 предлози „За зелен и хуман град" до Советот на Град Скопје“. Независен. Скопје. 23 септември 2020. Посетено на 19 август 2021.
4. „Иницијативата „Зелен хуман град" со независна листа ќе настапи на локалните избори во Скопје“. МОФ. Скопје. 14 јули 2021. Посетено на 19 август 2021.
5. „„МојКандидат": „Зелен хуман град" повикува граѓаните да се кандидираат на независна листа за Скопје“. МОФ. Скопје. 20 јули 2021. Посетено на 19 август 2021.
6. „„Зелен хуман град" почнува со собирањето потписи за нивните листи на претстојните локални избори“. Слободен Печат. Скопје. 17 август 2021. Посетено на 19 август 2021.
7. „Ана Петровска, кандидат на „Зелен хуман град" за градоначалник на Скопје: Да ги направиме оние промени кои граѓаните толку желно ги очекуваат“. Слободен Печат. Скопје. 17 август 2021. Посетено на 19 август 2021.

Надворешни врски

• Мој Град
  
• Зелен хуман град на Facebook