![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d8/Armoiries_Bretagne_-_Arms_of_Brittany.svg/langmk-640px-Armoiries_Bretagne_-_Arms_of_Brittany.svg.png&w=640&q=50)
Ермелин (хералдика)
From Wikipedia, the free encyclopedia
Ермелинот во хералдиката е го претставува зимското крзно на ермелинот (бело со црно опавче). За една раскошна облека потребно е да се сошијат голем број на крзна, кои даваат шара од црни дамки на бела позадина. Опавчињата се дел од самата боја, а не фигури, иако опавчето (црна дамка) се користи и како поединечна фигура (честопати како знак на каденција). Низ вековите ермелинските точки имале различни форми; најчесто се среќаваат во облик на три перчиња на крајот (најдолу), кои се соединуваат во врв (најгоре), прикачени со клинче.
![Thumb image](http://upload.wikimedia.org/wikipedia/commons/thumb/d/d8/Armoiries_Bretagne_-_Arms_of_Brittany.svg/320px-Armoiries_Bretagne_-_Arms_of_Brittany.svg.png)
![Thumb image](http://upload.wikimedia.org/wikipedia/commons/thumb/c/c8/Coat_of_arms_of_Monaco.svg/640px-Coat_of_arms_of_Monaco.svg.png)
Кај ермелинската лента, опавчињата ја следат линијата на лентата (дијагонално).
Контра-ермелинот е обратен ермелин – полето е црно посеано со сребрени опавчиња.
Златниот ермелин е ермелин со златно наместо сребрено поле, додека пеон е обратна верзија на златниот ермелин (т.е. златни опавчиња на црно поле).
Постојат и комбинации со други бои, како „црвено ермелинизирано сребрено“ (црвено поле посеано со бели ермелински опавчиња).