From Wikipedia, the free encyclopedia
Белодробен едем претставува најтежок облик на акутно настаната стаза во белите дробови, што се јавува при акутна лево срцева слабост. Тоа претставува една ургентна состојба, која го загрозува животот и бара итна медицинска интервенција.
Белодробен едем | |
---|---|
Pulmonary edema with small pleural effusions on both sides. | |
Специјалност | Пулмонологија, Кардиологија, итен здравствен случај |
Сите оние причини кои доведуваат до слабост на левото срце се причина за белодробен едем. Најчеста причина за акутна срцева слабост се јавува при масивен инфаркт на миокардот. Други причини се хипертензија и срцеви маани. Поради намалена контрактилност на левото срце тоа не може да ја исфрли целата крв, во системната циркулација се зголемува притисокот во коморите и преткоморите пред крај на дијастола. Притоа десната комора нормално уфрла крв во белодробните крвни садови, а левата комора не може да го прифати тоа количество крв и доаѓа до брз, голем пораст на притисокот во белодробните капилари. Тоа е причина за преминување на течност од белодробните капилари во интерстициумот, алвеолите и завршните бронхиоли. Белите дробови стануваат нееластични, што се манифестира со диспнеа. При дишење воздухот се мешасо течноста која преминала од капиларите во алвеолите, што се манифестира со кркорење и исфрлање на големо количество пенест спутум, а некогаш поради премин и на еритроцитите спутумот е и сукрвичав.
Една од најтешките клинички слики во интерната медицина. Се манифестира со тешка диспнеа, чујно дишење, кашлица и кркорење во градите со искашлување на големо количество пенеста, сукрвичава течност. Болниот е крајно уплашен, возбуден, цијанотичен, препотен и исцрпен.
Покрај типичната клиничка слика, карактеристичен е и физикалниот наод во белите дробови (средни и крупни влажни кркори) и на срце (тивки тонови, а некогаш и галопен ритам). Крвниот притисок е зголемен, освен при кардиоген шок.
Белодробниот едем бара итно лекување и сместување на болниот во единица за интензивна нега.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.