Бад Мускау

Бад Мускау (германски: Bad Muskau; порано Muskau, горнолужички: Mužakow, полски: Mużaków) — бањски град во историската област Горна Лужица во Германија на граница со Полска. Припаѓа на округот Герлиц, во сојузната покраината Саксонија.

Бад Мускау/Мужако Bad Muskau/Mužakow
Замок Мускау Замок Мускау
Бад Мускау/Мужако
Управа
Земја	Германија
Покраина	Саксонија
Округ	Герлиц
Општ. заед.	Бад Мускау
Градски единици	3
Градоначалник	Андреас Бендер
Основни податоци
Површина	15,35 км2
Надм. височина	110 м
Население	3.681 (31 декември 2020)[1]
- Густина	240 жит/км2
Други информации
Часовен појас	CET/CEST (UTC+1/+2)
Рег. табл.	GR
Пошт. бр.	02953
Повик. бр.	035771
Портал	www.badmuskau.de
Местоположба на градот Бад Мускау/Мужако во рамките на округот Герлиц
Карта
Координати	51°33′0″N 14°43′0″E

Се наоѓа на Лужичка Ниса, која од 1945 ја формира германско-полската граница, веднаш спроти градот Ленкњица (порано Лугкниц). Во градот се наоѓа западната половина од познатиот Парк Мускау, дел од светското културно наследство на УНЕСКО.

Историја

Мускау бил основан во XIII век, а првпат бил споменат во 1249. Државното грофовија (Standesherrschaft) Мускау било најголемо во Светото Римско Царство. Припаѓало на грофовијата на Горна Лужица, земја на чешката круна, која од 1635 со Прашкиот мир преминала на изборното кнежевство Саксонија, а потоа на Кралството Саксонија во 1806. Поголемиот дел од Горна Лужица бил припоен од Прусија според Виенскиот конгрес во 1815 и бил администриран во рамките на покраината Шлеска.

До почетокот на XIX век, директни владетели на Мускау биле грофовите Каленберг, наследени од 1845 од грофот (подоцна принц) Херман фон Пиклер-Мускау, подоцна од принцот Вилхелм Фридрих Карл фон Оранин-Насау, а потоа од грофовите фон Арним, сè до нивното бегство во април 1945. По Втората светска војна, бил поделен долж реката Ниса, помеѓу Источна Германија и НР Полска. Околу две третини од паркот преминал под полска управа.

Во 1962, Мускау бил преименуван во „Бад Мускау“ откако била изградена неговата терапевтска бања.

Збратимени градови

• Ленкњица, Полска
• Болков, Полска

Луѓе

• Натаниел Готфрид Леске (1751–1786) — природонаучник
• Леополд Шефер (1784–1862) — писател и композитор
• Херман фон Пиклер-Мускау (1785–1871) — познат градинар и писател, основач на Паркот Мускау
• Густаф Фехнер (1801–1887) — психолог
• Едуард Пецолд (1815–1891) — пејзажен градинар

Наводи

1. „Тековно население по општини во 2020 г.“. Статистичка служба на Саксонија. јуни 2020. (германски)

Надворешни врски

• Бад Мускау на Ризницата ^?
• Официјална страница