Англиска променада
From Wikipedia, the free encyclopedia
Англиската променада или Англиското шеталиште (француски: Promenade des Anglais, никардски: Camin deis Anglés) е познато шеталиште долж Средоземното Море кај Ница, Франција.
Пред Ница да биде урбанизирана, брегот на Ница бил опграден со плажи. Првите куќи се наоѓале на повисоко ниво, оддалечени од морето.
Почнувајќи од втората половина на 18 век, Англичаните доаѓале во Ница да го поминуваат зимскиот период, уживајќи во панорамата долж брегот. Кога особено силната зима донела наплив на просјаци во Ница, некои од богатите Англичани предложиле корисен проект за нив: изградба на шеталиште (chemin de promenade) долж морето.
Градот Ница, заинтересиран од проектот за шеталиштето, силно се заложил за негова изградба. Шеталиштето најпрвин било наречено „Англиски пат„ (Camin deis Anglés). По припојување на Ница од Франција во 1860 името било заменето со францускиот назив Англиска променада (La Promenade des Anglais).
За месните жители, Англиската променада едноставно е позната како Променада (Promenade) или уште пократко Пром (La Prom). Во неделите може да се видат многу велосипедисти, детски колички и цели семејства долж шеталиштето. Исто така станало омилено место за скејтерите.
Бројни настани се одржуваат на шеталиштето, како што се годишниот карневал, битката на цвеќињата и други.
Променадата било местото каде се одржал екипниот хронометар на Тур де Франс 2013, кој се одржал на 2 јули 2013.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
