From Wikipedia, the free encyclopedia
Аеродромот Јоже Пучник во Љубљана (IATA: LJU, ICAO: LJLJ, www.lju-airport.si) (словенечки: Letališče Jožeta Pučnika Ljubljana), исто така познат и како Аеродром Брник, е аеродром кој ја опслужува Љубљана, Словенија. Аеродромот е сместен на 19 километри од центарот на Љубљана[1] и 11 километри јужно од Крањ. Аеродромот бил официјално отворен на 24 декември, 1963 година.
Аеродромот е именуван по Јоже Пучник, словенечки интелектуалец, дисидент и политичар. Тој е база на Adria Airways - словенечкиот национален авиопревозник. На 8 декември 2004, аеродромот ја надминал бројката од еден милион патници на годишно ниво за првпат откако е отворен. Во 2007, низ аеродромот поминале 1.524.028 патници. Во близина на аеродромот минува автопатот А2/Е61, а исто така од и до аеродромот транзитираат автобуси до Љубљана и Крањ.
Година | Патници | Карго |
---|---|---|
2000 | 991,693 | 12,396 |
2001 | 894,130 | 12,403 |
2002 | 872,966 | 12,021 |
2003 | 928,397 | 12,080 |
2004 | 1,048,238 | 11,780 |
2005 | 1,218,896 | 11,560 |
2006 | 1,334,355 | 15,309 |
2007 | 1,524,028 | 21,717 |
2008 | 1,673,050 | 17,188 |
2009 | 1,433,855 | 14,333 |
2010 | 240,588 |
Поради зголемувањето на авиосообраќајот во Словенија како и поради задолжителната поделба на шенгенски и не-шенгенски зони, властите на аеродромот имаат план за изградба на нов терминал. Првата фаза била започната во 2007 година, кога на Словенија влегла во Шенген зоната. Било додадено уште едно ниво на постоечкиот терминал, на кое биле додадени 4 порти. Втората фаза, која започнала во втората половина на 2008 година, вклучува изградба на нов терминал кој ќе биде изграден веднаш до првиот терминал. Се планира да има околу 40 шалтери за чекирање. Системот за багаж ќе има 3 ленти. На терминалот ќе има простор за авиокомпании, туристички агенции, ресторани, продавници, како и специјален простор за патниците од прва класа. Капацитетот на новиот терминал се планира на 850 патници за пристигање и заминување во рок од еден час.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.