Уманц

Уманц (германски: Ummanz) — остров во Балтичкото Море, близу западниот брег на островот Риген. Административно припаѓа на округот Западна Померанија-Риген, во Мекленбург-Западна Померанија, Германија.

За општината која се наоѓа на островот Уманц, видете Уманц (општина).

Уманц

Црква Св. Богородица во Вазе
Географија
Место	Балтичко Море
Координати	54°28′27″N 13°10′24″E
Површина	20 км2
Највисоко место	3 м
Држава
Германија
Најголема населба	Вазе
Демографија
Население	274

Уманц има површина од околу 20 км² и со тоа, по Риген, е вториот најголем остров во поранешниот округ Риген. Тој е дел од Националниот парк Западнопомерански лагуни. Островот е опкружен на запад и северозапад од Шапродер Боден, на север од заливот Ударзер Вик, на исток од Козеловското Езеро и Брајте, а на југ од Кубицер Боден. Островот Уманц е многу рамен; негова највисока точка изнесува само 3 метри над морето.

Од 1901, островот е поврзан со островот Риген со 250-метри долг мост. Најголема населба на островот е селото Вазе; други села се Хајде, Марков, Зурендорф, Фрезенорт, Танков и Вусе. Заедно со неколку села на самиот Риген ја создаваат општината Уманц.

Од 1341 островот бил поседуван од болницата на Светиот Дух во Штралзунд. Поради тоа, граѓаните на Штралзунд го поседувале островот со векови врз основа на црквата.

• 
  Бетонска патека на Уманц

„Уманц“ на Ризницата ?

54°28′N 13°11′E