Ramones (се чита: Рамоунс) — американска панк-рок група основана во Њујорк во 1974 година. Иако за време на постоењето имала умерен комерцијален успех, денес групата се смета за многу влијателна во панк-културата. Многумина ja посочуваат како првиот панк-рок состав.[1] Сите членови за презиме си го присвоиле псевдонимот Ramone (Рамоун); тие биле инспирирани од Пол Макартни, кој се најавувал во хотелите под името Пол Рамон. Тие одржале точно 2 263 концерти на бројните турнеи кои речиси без престан траеле 22 години. Во 1996 година, одржале проштален концерт во Лос Анџелес и се распаднале.[2]
| Ramones | |
|---|---|
 Рамонс во живо во 1980 | |
| Животописни податоци | |
| Потекло | Форест Хилс, Квинс, Њујорк, САД |
| Жанрови | Панк рок |
| Период на активност | 1974–1996 |
| Издавачи | Sire Records (САД & Велика Британија, 1976–1992) Radioactive Records (САД, 1992–1996) Chrysalis Records (Велика Британија, 1992–1996) |
| Мреж. место | www.ramones.com |
| Поранешни членови | |
| Ди Ди Рамоун Џони Рамоун Џо Рамоун Томи Рамоун Марки Рамоун Ричи Рамоун Елвис Рамоун С.Ј. Рамоун | |
Сите четворица оригинални членови на групата починале до 2014 година: пејачот Џои Рамон (1951-2001), басистот Ди Ди Рамон (1951-2002), гитаристот Џони Рамон (1948-2004) и тапанарот Томи Рамон (1949-2014).[3] [4] [5] [6] Другите преживеани членови од Рамонс: басистот Си Џеј Рамон (кој го заменил Ди Ди во 1989 година и останал со групата до нејзиното распаѓање) и тапанарите Марки Рамон, Ричи Рамон и Елвис Рамон, и понатаму се активни во музиката.
Рамонс се наоѓаат на 26-то место на списокот од „100 најдобри музичари на сите времиња“ објавен од списанието „Ролинг Стоун“ [7] и на 17-то место на списокот од „100 најдобри хард-рок-музичари“ според VH1.[8] Во 2002 година, списанието Spin ги ставило Рамонс на второ место на списокот на „Најдобри групи на сите времиња“, веднаш зад Битлси.[9] На 18 март 2002 година, основачките членови на групата и Марки Рамон, биле примени во Куќата на славата на рокенролот.[10] [11] Во 2011 година, групата добила Греми награда за животно дело.[12] [13]
Членови
Поранешни членови
- Џои Рамон (Џефри Хајман) – пејач (1974–1996), тапани (1974); починал 2001 година
- Џони Рамон (Џон Камингс) – гитари (1974–1996), придружни вокали (1981); починал 2004 година
- Ди Ди Рамон (Даглас Колвин) – бас, придружен и главен вокал (1974–1989); гитара (1974); починал 2002 година
- Томи Рамон (Томас Ердели) – тапани (1974–1978), придружен вокал (1976), продукција (1976–1978, 1984), дополнителна гитара (1976–1978); починал 2014 година
- Марки Рамон (Марк Бел) – тапани (1978–1983, 1987–1996), придружни вокали (1981)
- Ричи Рамон (Ричард Рајнхард) – тапани, придружни вокали (1983–1987)
- Елвис Рамон (Клем Бурк) – тапани (1987)
- Си Џеј Рамон (Кристофер Џозеф Вард) – бас, придружен и главен вокал (1989–1996)
Дискографија
Студиски албуми
- Ramones (1976)
- Leave Home (1977)
- Rocket to Russia (1977)
- Road to Ruin (1978)
- End of the Century (1980)
- Pleasant Dreams (1981)
- Subterranean Jungle (1983)
- Too Tough to Die (1984)
- Animal Boy (1986)
- Halfway to Sanity (1987)
- Brain Drain (1989)
- Mondo Bizarro (1992)
- Acid Eaters (1993)
- ¡Adios Amigos! (1995)
Наводи
Надворешни врски
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
