Вљубениот Шекспир (англиски: Shakespeare in Love), познат и како Заљубениот Шекспир — американско-британски драма-филм од 1998 година, режиран од Џон Маден, а продуциран од Марк Норман. Во филмот е опишана љубовната афера на Вилијам Шекспир (го игра Џозеф Фајнс) во периодот кога ја пишувал трагедијата „Ромео и Јулија“. Приказната во филмот е фиктивна, иако некои од улогите се засновани на вистински ликови.
| „Вљубениот Шекспир“ | |
|---|---|
 Филмскиот плакат | |
| Режисер | Џон Маден |
| Продуцент | Дејвид Парфит Дона Џиглиоти Харви Вејнстејн Едвард Звик Марк Норман |
| Сценарист | Марк Норман Том Стопард |
| Главни улоги | Гвинет Палтроу Џозеф Фајнс Џефри Раш Колин Фитр Бен Афлек Џуди Денч |
| Музика | Стивен Варбек |
| Кинематографија | Ричард Грејтрекс |
| Монтажа | Дејвид Гембл |
| Дистрибутер | „Miramax Films“ (САД) „Alliance Atlantis“ (Кан) „Universal Studios“ (интернационално) |
| Премиера | 3 декември 1998 (САД) 29 јануари 1999 (ОК) |
| Времетраење | 123 минути |
| Земја |  Обединето Кралство САД |
| Јазик | Англиски |
| Буџет | $25 милиони[1] |
| Бруто заработка | $289.317.794[1] |
„Вљубениот Шекспир“ освоил седум „Оскари“, меѓу кои „оскар“ за најдобар филм, „оскар“ за најдобра глумица (Гвинет Палтроу) и „оскар“ за најдобра глумица во споредна улога (Џуди Денч).
Историска точност
Филмот не претендира на историска точност и вклучува многу комични анахронизми (како психотерапевт, Шекспир како скока на ферибот и вели: „Следи го тој чамец!“, и Хенслоу како ја предвидува фразата „Шоуто мора да продолжи!“ (анг. „The show must go on!“). Сепак, костимите и прикажувањето на некои познати ликови, посебно кралицата Елизабета Прва, всушност се многу добро направени, и прецизно го прикажуваат расположението и модата на тоа време.
Дејствие
Филмот се занимава со забранетата љубов помеѓу Шекспир (го игра Фајнс) и Виола (ја игра Палтроу) која е благородничка. За да го подмири својот долг кон стопанственикот Хју Фенимем, шекспировиот патрон Хенслоу му нуди на Фенимен партнерство во најновата продукција на последната шекспирова комедија, која се вика Ромео и Етел - ќерката на пиратот. Оваа драма подоцна ќе биде преименувана во „Ромео и Јулија“. Летото 1593 година, писателот Вилијам Шекспир има писателска блокада и бара нова муза. Ја наоѓа во Виола де Лесепс, млада девојка која е инспирирана од неговата работа и вљубена во неговите рими. Иако е забрането од законите и обичаите во 16. век, Виола се облекува како маж и оди на аудиција за улога во неговата нова драма.[2][3]
Наводи
Надворешни врски
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
