Информативна мрежа за гермоплазмени ресурси (англиски: Germplasm Resources Information Network, скрат. GRIN) — семрежен проект на Националната програма за генетски ресурси кој раководи со базата на податоци за сета растителна гермоплазма која ја собира Националниот систем за растителна гермоплазма (NPGS) на Министерството за земјоделство на САД.[1]
Покрај работата со растителни гермоплазми, GRIN е задолжен и за гермоплазмите на инсекти (безрбетници), микроби и животни како одделни потпроекти.[2]
Опис
Мрежното место е ресурс со меродавни таксономски информации со научни и народни имиња[3] на преку 500.000 единици (разновидности, сорти итн.) од 10.000 видови растенија.[4][5] Опфатени се како оние од стопанско значење[3] така и дивите видови. Ги покрива оние што важат за штетни корови,[3] загрозените и засегнатите видови,[3] со податоци за нивната распространетост низ светот[3] нивните живеалишта; како и „пасошки“ информации.[6] Во состав на GRIN е ставена и Базата на стопански растенија.[3]
Мрежата ја одржува Единицата за управување со бази (GRIN/DBMU).[2] Целиот проект е под надзор на Националната лабораторија за гермоплазмени ресурси (NGRL) од Белтсвил, Мериленд,[6] кој во 1990 г. ја презел должноста од нејзиниот претходник — Лабораторијата за гермоплазмени услуги (Germplasm Services Laboratory, GSL),[2]).[7]
Потпроекти
GRIN ги води следниве проекти:[8]
- Национален систем за растителна гермоплазма (NPGS)
- Национален систем за животинска гермоплазма (NAGP)
- Национален систем за микробна гермоплазма (NMGP)
- Национален систем за безрбетничка гермоплазма (NIGP)
Поврзано
Наводи
Надворешни врски
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.