Шват

Шват (шеват или шебат; хебрејски: שְׁבָט; од акадски: шабату) — петтиот месец од граѓанскиот и единаесеттиот месец од верскиот еврејски календар. Ова е зимски месец со 30 дена. Обично се паѓа во јануари-февруари според грегоријанскиот календар.

← тевет       шват (שְׁבָט)       адар →
Ту бишват Ту бишват — Нова година на дрвјата се паѓа на 15 шват, кога цветаат бадемите во Израел.
Реден број:	11
Денови:	30
Годишно време:	зима
Грегоријански:	јануари–февруари

Празници во шват

• 15 шват: Ту бишват (Нова година на дрвјата)^[1]

Шват во еврејската историја

• 24 шват 517 п.н.е.: Пророштвото на Захарија.

Од библиската книга Захарија, 1:7-16:

На дваесет и четвртиот ден од единаесеттиот месец — а тоа е месецот Шеват — во втората година на Дариј, дојде слово Господово до пророкот Захарија, синот Берехиев, син на Идо. Затоа вака вели Господ: „Јас се враќам кон Ерусалим со милосрдност; во него Ќе се изгради Мојот дом, вели Господ Саваот, и мерно јаже ќе се протегне низ Ерусалим“. ^[2]

Кај други јазици

• Месецот февруари се нарекува „шубат“ на арапски (ﺷﺒﺎﻂ) и турски (Şubat)^[3].

Наводи

1. Данон, Цадик (2008). Основни поими на јудаизмот (PDF). прев. Марија Алексиќ (II. изд.). Скопје: Еврејска заедница во Република Македонија. ISBN 9989-102-14-7.
2. Захарија 1:7-16, Библија на македонски јазик: Стар завет, стр. 1171-1172 PDF
3. şubat — Турско-македонски речник, оф.нет

Надворешни врски

• Овој месец во еврејската историја (англиски)