Црква „Св. Илија“ - Јабланица (манастирска)

Свети Илија, попозната како Свети Илија Горни — матична црква на Јабланичкиот манастир во струшкото село Јабланица.^[1]

Оваа фотографија го прикажува манастирот Св. Илија сликано од неговата десна страна.

Свети Илија
Поглед кон црквата
македонска православна црква
Епархија	Дебарско-кичевска
Архијерејско намесништво	Струшко
Парохија	Ложанска
Местоположба
Координати	41°19′26″N 20°33′03″E
Место	Јабланица, Струшко
Општина	Струга
Држава	Македонија
Општи податоци
Покровител	Пророк Илија
Изградба	1954
Архитектонски опис

Оваа фотографија го прикажува манастирот Св. Илија сликано од неговата предна страна.

Црквата е сместена е високо во планината на околу 1450 м.н.в. По својата градба и изглед е скромна, но има култно значење не само за жителите на селото Јабланица туку и за жителите на другите Долно-дримколски села. Според некои кажувања црквата е постара од соборната црква меѓутоа заради проблемите што се јавувале во време на Османлиското владеење, морала да биде изгради високо во планината. Помеѓу населението сè уште живеат легендите и преданијата за чудотворната енергија со која зрачи овој простор. Црквта е посветена на пророкот Св. Илија. Се посетува трипати во годината на третиот ден Духовден, Илинден и Празникот Крстова Недела (неделата после Крстовден на 27 септември), чиешто одбележување временски се одвива кон крајот на месецот Септември или почетокот на месецот Октомври. Тогаш во црквата се организира масовен црковен собир на кој присуствуваат и по неколку илјади посетители од околните села и градови. Гостите се послужуваат со традиционалниот ручек од варена зелка и говедско месо.

Поврзано

• Ложанска парохија
• Јабланица
• Црква „Св. Пророк Илија“- соборна селска црква 1896 година;
• Црква „Св. Мина, Виктор и Викентиј“- изградена во 1975 година;
• Црква „Св. Преполовение“- камен-темелник е осветен и поставен во 2003 година;
• Црква „Воведение на Пресвета Богородица“- манастирска црква, изградена во 1962 година;
• Црква „Св. Петка“- параклис изграден во 2002 година.
• Црква „Св. Никола“- параклис изграден во 1996 година.
• Црква „Св. Петка Римска“- параклис изграден во 1994 година.
• Црква „Св. Недела“ - параклис изграден во 1997 година.

Наводи

„Црква „Св. Илија“ - Јабланица (манастирска)“ на Ризницата ?

1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.