Црква „Св. Богородица Балаклија“ - Злетово

Света Богородица Балаклија — главна и единствена манастирска црква во рамки на Злетовскиот манастир.

Света Богородица Балаклија
Поглед кон манастирската црква
македонска православна црква
Епархија	Брегалничка
Архијерејско намесништво	Штипско
Парохија	Злетовска
Местоположба
Координати	42°00′50.3″N 22°15′34.8″E
Место	Злетово
Општина	Пробиштип
Држава	Македонија
Општи податоци
Покровител	Богородица Марија
Завршено	2010
Осветување	16 мај 2010
Ктитор	Чедо Петров
Архитектонски опис

Историја

Црквата била осветена заедно со целиот манастир од страна на Архиепископот Охридски и Македонски г.г. Стефан на 16 мај 2010 година. Нејзин ктитор бил пратеникот во Собранието на Република Македонија Чедо Петров од Пробиштип.^[1][2]

Архитектура

Градбата има правоаголна основа и по својот облик претставува крсто-куполен храм, при што куполата има осумаголна основа и на секоја од осумте страни има монофора. Предниот дел од црквата кон којшто водат главната влезна врата и страничната врата од десната страна е понизок. Над дрвената влезна врата се запишани имињата „Исус“ и „Ника“, додека од двете нејзини страни има ланцетни прозорци со иста големина. На страничниот ѕид, веднаш до влезната врата има три ланцетни прозорци, од кои средниот е поголем од останатите два. Во средишниот дел на овој ѕид има полукружна апсида со два ланцетни прозорци. Целата градба е покриена со ќерамиди. Над ќерамидите на осумаголната купола има крст.

Камбанаријата на црквата е сместена од десната страна на нејзиниот заден дел. Таа има квадратна основа и се состои од четири столбови покриени со ќерамиди.

Галерија

• 
  Влезната врата од црквата
• 
  Камбанаријата на црквата

Поврзано

• Злетовски манастир
• Штипско архијерејско намесништво
• Злетовска парохија
• Злетово