Црква „Св. Атанасиј“ - Локвени

Свети Атанасиј — главна манастирска црква на средновековниот Житошки манастир помеѓу прилепските села Локвени и Житоше, Македонија.^[1]

Свети Атанасиј
Поглед на црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Прва кривогаштанска
Местоположба
Координати	41°24′15″N 21°17′36″E
Место	Локвени
Општина	Долнени
Држава	Македонија
Општи податоци
Покровител	Свети Атанасиј
Изградба	1627/2012
Завршено	1627/2016
Архитектонски опис

Црквата се наоѓа во атарот на селото Локвени, сместена над него. Историски, црквата била подигната и припаѓала на некогашното христијанско село Долно Житоше.

Црквата е прогласена за споменик на културата.

Местоположба

Црквата се наоѓа над селото Локвени, а до нејзе се пристапува по лош земјен пат.

Црквата се наоѓа над селото Локвени, на самата граница на атарот со соседното Житоше. Црквата е изградена во месноста Манастириште, кое некогаш припаѓало на селото Долно Житоше (денес дел од Житоше).^[2]

Историја

За црквата и самиот манастир се верува дека е средновековен. Од ктиторскиот натпис се дознава дека била подигната во 1627 година.^[3]

Во 1890-тите години, свештеникот во црквата бил обесен од страна на житошките Арбанаси.^[2]

Во 1950-тите години, црквата и манастирот биле без земја, напуштени и полуразрушени.^[2] Со текот на времето, црквата целосна се разурнала.^[3]

Црквата започнала да се гради повторно во 2012 година и нејзината изградба завршила во 2016 година.^[4]

Архитектура

Фрескоживопис

Црквата поседувала фрескоживопис кој бил насликан во 1627 година. Истиот бил пренесен во крушевската црква „Св. Троица“.^[3]

Сликарството било суво и без моделација, фигурите биле издолжени, а колоритот бил згаснат.^[3]

По возобновувањето на црквата, во 2016 година се вршени и уредување на внатрешноста на црквата.^[4]

Галерија

• 
  Апсидата
• 
  Поглед на црквата
• 
  Куполата
• 
  Влезот
• 
  Горниот дел од црквата
• 
  Поглед на црквата
• 
  Црквата при изградбата

Поврзано

• Прилепско архијерејско намесништво
• Прва кривогаштанска парохија
• Локвени
• Житоше

Наводи

1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
2. Трифуноски; Јован Ф. (1998). Bitoljsko-Prilepska kotlina: antropogeografska proučavanja. Белград: Српска академија на науките и уметностите. ISBN 8670252678. OCLC 41961345.
3. Ристовски, Блаже, уред. (2009). „„Свети Ахил"“. Македонска енциклопедија. , книга II (М-Ш). Скопје: МАНУ. стр. 1319. Text "series " ignored (help)
4. Макфакс++ (2016-08-06). „Поставени темели на новиот конак на манастирот во Локвени“. МАКФАКС. Посетено на 2022-01-03.

Надворешни врски

• Црква „Св. Атанасиј“ - Локвени на Ризницата ^?