Црква „Рождество на Пресвета Богородица“ - Новаци

Рождество на Пресвета Богородица – манастирска црква на Новачкиот манастир.^[1]

Рождество на Пресвета Богородица
Поглед на црквата
македонска православна црква
Епархија	Преспанско-пелагониска
Архијерејско намесништво	Битолско
Парохија	Новачка
Местоположба
Координати	41°02′42.5″N 21°26′19.7″E
Место	Новаци
Општина	Новаци
Држава	Македонија
Општи податоци
Покровител	Богородица Марија
Завршено	2006
Осветување	13 јуни 2009
Архитектонски опис
Архит. тип	трикорабна

Историја

Црквата била изградена во 2006 година.^[2] Осветувањето на храмот било извршено на 13 јуни 2009 година, на празникот Педесетница, од страна на Митрополит Преспанско-пелагониски и администратор Австралиски и Новозеландски г. Петар во сослужение со Епископот Хераклејски г. Климент, а на настанот присуствувал и говор одржал македонскиот премиер Никола Груевски.^[3]

Архитектура

Градбата на црквата е трикорабна и претставува крстокуполен храм со осум куполи.^[2] Над средишниот дел од храмот се издигаат една голема и четири помали цилиндрични куполи, а секоја од нив има по осум монофори и е покриена со бакарна плоча. Црквата има и три странични куполи на западната, јужната и северната страна коишто исто така се покриени со бакарни плочи. Влезот се наоѓа на западната страна и над него има ниша со полукружен мозаик на којшто е претстсавена Богородица со Исус. На источната страна на црквата има полукружна апсида. Внатрешноста на црквата е зографисана, а мермерниот иконостас содржи икони само на ѓаконските порти и дрвените царски двери. На дел од мермерниот под во внатрешноста на црквата е насликана Ѕвездата од Кутлеш.

Галерија

• 
  Поглед на црквата
• 
  Влезот
• 
  Куполите
• 
  Апсидата
• 
  Вестибулот
• 
  Живопис во вестибулот
• 
  Натпис над влезот од внатрешната страна
• 
  Внатрешноста
• 
  Иконостасот
• 
  Лустерот
• 
  Ѕвездата од Кутлеш на подот

Поврзано

• Новачки манастир
• Црква „Св. Атанасиј“ - Новаци
• Новаци
• Преспанско-пелагониска епархија
• Битолско архијерејско намесништво
• Новачка парохија

Наводи

1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 13. ISBN 978-608-65143-2-7.
2. „Новаци Архивирано на 1 декември 2021 г.“. Мој Роден Крај.
3. „Осветен нов манастирски храм посветен на Пресвета Богородица во с. Новаци“. МПЦ. 13 јуни 2009.

Надворешни врски

• Црква „Рождество на Пресвета Богородица“ - Новаци на Ризницата ^?