Хувентуд

21°45′N 82°51′W

Хувентуд Isla de la Juventud
Покраина во Куба
Земја	Куба
Админ. центар	Нуева Херона
Површина[1]
• Вкупна	2.419 км2 (934 ми2)
Население (2010-12-31)[1]
• Вкупно	86.420
• Густина	36/км2 (93/ми2)
Час. појас	EST (UTC-5)
Повик. бр.	+53-061

Сателитска снимка на островот Хувентуд

Паноптичкиот затвор „Пресидио Модело“

Хувентуд (шпански: Isla de la Juventud = „Остров на младоста“) е најголемиот кубански остров по самата Куба и една од нејзините покраини. Зафаќа површина од 3056 км² и лежи 100 км југозападно од големиот кубански остров, преку Батабанскиот Залив. Ова е речиси директно на југ од Хавана и Пинар дел Рио, заради неговата раздалеченост, население и стопански особености, се смета за Специјална Општина и не е дел од ниедна покраина. Затоа островот е управуван директно од владата на Куба.

Населението брои околу 100.000 жители. Главен и најголем град е Нуеба Герона на север, а втор по големина и прв по старост е Санта Фе во внатрешноста на островот. Други населени места се Колумбија, Макинли, Санта Барбара, Кучиља Алта, Пунта дел Есте, Сиера де Кабаљос и Сиера де Касас. Островот се викал и Остров на Боровите (Isla de Pinos) пред да биде преименуван во 1978 г.

Географија и стопанство

Голем дел од островот е прекриен со борови шуми, кои се извор за големата индустрија за дрвена граѓа. Северниот регион од островот има ниски ’ртови од каде се експлоатира мермер, додека пак јужниот регион е висорамнина. Земјоделството и рибарството се главните стопански гранки. Во голема мера е застапено одгледувањето на цитрусот и друг зеленчук. Тука има плажа со црн песок формирана од вулканска активност.

Островот има умерена клима, но и чести урагани. Ова е популарно туристичко одредиште, со многу плажи и одморалишта, меѓу кои и плажата Бибихагва. Сѐ до владината експропријација на сите имоти во странска сопственост во раните 1960-ти години, голем дел од земјата била во сопственост на Американци.

Сообраќај

Главниот транспорт се одвива по воден или воздушен пат. Хидрофоилите (кометас) и моторизираните катамарани се најбрзи (2-3 часа). Побавни се големите товарни фериботи кои преминуваат на главниот остров за шест часа, но тие се и поевтини. Покраината има само една општина, која исто така го носи името Хувентуд.

Наводи

1. „Lugar que ocupa el territorio según la superficie y la población“ (PDF). Una MIRADA a Cuba. Oficina Nacional de Estadísticas. Cuba. 2010. Архивирано од изворникот (PDF) на 2019-03-11. Посетено на 2013-02-15.

Надворешни врски

„Хувентуд“ на Ризницата ?

• Општински портал Архивирано на 8 септември 2005 г. (шпански)