Христо Батанџиев

Христо Иванов Батанџиев — македонски револуционер, учесник во македонското револуционерно движење и еден од основачите на Македонската револуционерна организација (МРО).^[1][2]

Христо Батанџиев
Роден	1869 Гуменџе, Солунски Вилает, Османлиска Империја
Починал	18 јуни 1913(1913-06-18) (возр. 43–44) Егејско Море, Кралство Грција

Животопис

Христо Батанџиев е роден во Гуменџе, Ениџевардарско. Се школувал во родното село, каде што подоцна и учителствувал. Тој најпрво работел како учител во солунската бугарска машка гимназија „Св. Кирил и Методиј“, а потоа бил секретар во солунската црковно училишна општина и Егзархиската Митрополија во Солун.

Како патриот, загрижен за судбината на Македонија ѝ пристапил на групата македонски интелектуалци-истомисленици, со кои во Солун ја основале Македонската револуционерна организација. Организацијата е основана на 23 октомври 1893 година (стар стил) во неговото живеалиште.

По Младотурска револуција во 1908 година и Хуриетот бил активен член на Сојузот на бугарските конституциони клубови во Македонија.

Во текот на Балканските војни, Батанџиев заедно со уште 183 други Македонци од Солун и Солунско, бил уапсен од грчката војска. Некои од нив, вклучувајќи го и Батанџиев, требале да бидат интернирани со брод од Солун до островот Трикери.^[1][2] Загинал заедно со архимандритот Евлогиј во 1913 година, бил фрлен и удавен во Егејското Море од страна на Грците.

Денес во софискиот кварт Орландовци е именувана една улица по него ^[3][4], а во Скопје е именувана една спортска сала во општината Ѓорче Петров.

• 
  Портрет на Батанџиев
• 
  Портрет на Батанџиев
• 
  Споменик „Паднати за слободата на Македонија“ во Ќустендил со името на Батанџиев
• 
  Споменик - Основачи на ВМРО
• 
  Спортската сала „Христо Батанџиев“ во населбата Волково, Општина Ѓорче Петров

Наводи

1. Македонски историски речник. Скопје: ИНИ. 2000. стр. 65. ISBN 9989-624-46-1. На |first= му недостасува |last= (help)
2. Личности од Македонија. Скопје: МИ-АН. 2002. стр. 39. ISBN 9989-613-28-1. На |first= му недостасува |last= (help)
3. Енциклопедия „България“, том 1, Издателство на БАН, София, 1978, стр. 222.
4. Николов, Борис Й. Вътрешна македоно-одринска революционна организация. Войводи и ръководители (1893-1934). Биографично-библиографски справочник, София, 2001, стр. 17.