Хајнрих Даре

Хајнрих Луј Даре (германски: Heinrich Louis d'Arrest; 13 август 1822 – 14 јуни 1875) — ^[1] германски астроном, роден во Берлин. Неговото име понекогашсе води како Хајнрих Лудвиг Даре.

Хајнрих Луј Даре
Хајнрих Луј Даре
Роден(а)	13 август 1822 Берлин
Починал(а)	14 јуни 1875(1875-06-14) Копенхаген
Националност	германец
Познат по	Нептун
Поважни награди	Златен медал од Кралското астрономско друштво Лаландова награда (1844)

Животопис

додека бил студент на универзитетот во Берлин, Даре бил дел од дружината на Јохан Готфрид Гале која трагала по Нептун. На 23 септември 1846 г, тој предложил дека на одредена неодамнешно нацртана карта од небото, од областа која ја предвидел Ирбен Леверје, може да се спореди со денешното небо и да се побара поместувањето кое е особеност на планета, во споредба со неподвижните ѕвезди. Нептун бил откриен истата ноќ.

Подоцнежната работа во Лајпцишката опсерваторија го навела, во 1851 година, да ја открие кометата именувана според него (означена како 6P/Даре). Тој исто така ги проучувал астероидите (го открил астероидот 76 Фреја) и маглините.

Во 1864 година неуспешно се обидел да ги најде Марсовите месечини, и поставил горна граница од 70 лачни минути како растојание од кое би требало да се бараат месечините на Марс.^[2]

Во 1875 година го добива златениот медал на Кралското астрономско друштво.

Во 1857 година, се оженил за Августина Емилија Мебиус, ќерката на неговиот тогашен надгледувач, Август Фердинанд Мебиус.^[3] Починал во Копенхаген, Данска.

Според него е именуван кратерот Даре на Месечината, како и кратерот на марсовата месечина Фобос и астероидот 9133 Даре.

Поврзано